هو ايه حكاية المشروعات اللي هتشتغل في ساحل البحر الأحمر المصري.. ياترى الشركات الاماراتية بتعمل إيه هناك.. وليه الاستثمارات لسه بتزيد في مصر رغم الأحداث اللي حولينا.
لو متابع حركة الاستثمارات هتشوف إن التدفقات الدولارية الضخمة لسه بتزيد على الأسواق المصرية ودا رغم الأزمات اللي في المنطقة ودا لأن مصر بلد مستقر وقوي مش معرض للتهديد أو بمعني أصح محدش يقدر يهدد دولة بحجم مصر وبالتالي المستثمر فلوسه في أمان ومش هتضيع عليه ودا غير إن الأسواق المصرية بقت جاذبة جدا للاستثمار في المنطقة بسبب البنية الاساسية الحديثة والموقع الجغرافي وقربها من كل الأسواق وشبكات المواني واللوجستيات اللي عندها ودا غير قناة السويس والممرات التجارية اللي بتتحكم فيها الدولة المصرية.. يعني ببساطة المستثمر هيضخ فلوسه في مصر في أي وقت بصرف النظر عن أي ظروف حولين مصر.
طيب ايه الجديد في موضوع الاستثمارات العربية والأجننبية في مصر؟
التقارير الرسمية كلها بتقول إن حركة التدفقات الاستثمارية مستمرة وبتزيد بمعدلات كبيرة وخاصة في المنطقة الاقتصادية لقناة السويس والساحل الشمالي وكمان ساحل البحر الأحمر .. وأخر المشروعات الضخمة اللي تم الكشف عنها كان مشر وع شركة اعمار مصر للتنمية التابعة لإعمار العقارية أكبر مطور عقاري في دولة الإمارات وفي الخليج والمنطقة والشركة أعلنت إنها بتعمل مشروع سياحي متكامل وضخم على البحر الأحمر في مصر بالشراكة مع شركة سيتي ستارز السعودية.. يعني لأول مرة تحالف اماراتي سعودي عملاق يتحد عشان يعمل مشروع في مصر ودا بيدل على إن المشروع غاية في الأهمية والجدوى الاقتصادية..
وحسب المعلومات المشروع هيكون على مساحة 10 مليون متر مربع في جنوب مدينة الغردقة وإن إعمار مصر هتتولى التطوير مقابل حصة من الإيرادات وبالمشاركة مع شركة سيتي ستارز المالكة للأرض، والتابعة لرجلي الأعمال السعوديين حسن الشربتلي وفهد الشبكشي.
يعني كده احنا قدام مشروع عالمي على أرض مصرية ورغم إن الشرركة ما أعلنتش عن حجم اسنثمارات المشروع الجديد ولا تفاصيله لكن واضج كده إن هيكلف مليارات الدولارات وهيغير خريطة السياحة في الغردقة .. وعشان نبقي عارفين شركة إعمار مصر للتنمية هتستثمر حوالي مليار دولار في مصر خلال 2025 بحسب مؤسس الشركة محمد العبار وقال أن الشركة استثمرت حوالي 20 مليار دولار منذ بداية عملها في مصر بواقع مليار دولار سنوياً.
التوقعات بتقول إن الإيرادات المستهدفة للمشروع اللي بيضم 6 مراحل تتجاوز 500 مليار جنيه وإن المرحلة الأولى للمشروع تمتد على مساحة 2 مليون متر مربع ويضم المشروع وحدات سكنية وفندقية، وفنادق بمستوى خمس وأربع نجوم، ومجمعاً تجارياً وأنشطة ترفيهية.
وعلى فكرة إعمار مصر هي صاحبة مشروعات عالمية في مصر زي مشروع مراسي في منطقة سيدي عبد الرحمن على ساحل البحر المتوسط، ومشروع "أب تاون كايرو" على مساحة 4.5 مليون متر مربع في القاهرة وغيرها من المشروعات الضخمة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
