يا ترى هو إيه اللي حصل في أسعار الدهب، وايه علاقة ده بضرب إسرائيل لإيران، وهل فعلا الدولار في اختبار صعب دلوقتي وبيأثر على الدهب ولا إيه، وليه الناس بتهجم تشتري دهب في وقت الأزمات؟
في الحقيقة، الدهب رجع يتصدر المشهد تاني، وسجل أرقام قياسية بعد ما الناس لجأت له تاني كملاذ آمن، خاصة بعد الضربات اللي حصلت بين إسرائيل وإيران، وده لأن الناس خايفة، والأسواق متوتر عشان كده الكل بيشتري ده.
وفي الساعات الأخيرة، وقية الدهب سجلت 3433 دولار، والسعر ده قريب جدا من أعلى رقم تاريخي كانت سجلته في شهر أبريل اللي فات، اللي كان 3500 دولار.
عندك كمان، عيار 21، اللي هو الأكتر شيوعا، وصل ل4900 جنيه من غير مصنعيةؤ، وكمان عيار 24 سجل 5600 جنيه، حتى الجنيه الدهب عدى 39 ألف جنيه.
وفي نفس الوقت، الدولار بدأ يضعف شوية قدام الجنيه، وده خلا ناس كتير تبدأ تسأل هل فعلا الدولار لسه هو الأصل الآمن، ولا الدهب بدأ يستعيد محده من جديد؟
نقدر نقول إن الدهب مخزن كويس للقيمة وكمان بيحافظ على قوتك الشرائية، يعني لو أنت بتفكر تحوش أو تستثمر فمافيش قدامك غير الدهب، خاصة في أوقات التوترات السياسية والاقتصادية، لأنه بيكون أكتر حاجة بتثبت على رجليها وقت ما كل حاجة تانية بتقع.
طب السؤال هنا، هل المفروض تشتري دلوقتي ولا تستنى شوية؟
بص يا سيدي، محدش يقدر يتنبأ بحاجة دلوقتي، بس نقدر تقولك لو عندك "فائض مالي" يعني فلوس مش محتاجها فورا، يبقى الدهب دايما اختيار آمن على المدى الطويل.
وخد بالك، الدهب بيتقيم بالدولار، يعني سعره بيتأثر بالسعر العالمي وسعر صرف الجنيه كمان، ولو الجنيه نزل، الدهب هيغلى الدهب حتى لو السعر العالمي ثابت.
والفكرة هنا مش إنك تشتري دهب وتستنى تغلى وتبيعه، ولكم إنك تحمي نفسك من هزات السوق، ومن التضخم، ومن ضعف العملات خاصة لما تكون الأحداث السياسية مرتبكة، زي اللي بيحصل بين إسرائيل وإيران، واللي ممكن يفتح باب لصراعات أكبر في المنطقة.
وفي النهاية، نقدر نقولك لو عايز تستثمر فلوسك صح، إنك توزع محفظتك، ما بين دهب وأسهم في البورصة وشهادات، بس خلي بالك الدهب دايما صديق وقت الشدة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
