يا ترى إيه تأثير الحرب بين إيران وإسرائيل على سوق الدهب وليه الأسعار عملت قفزة تاريخية ورايحة فين الأيام الجاية، وهل دلوقتي وقت تشتري ولا تبيع؟
في الساعات الأخيرة، حصلت ضربات جوية من إسرائيل على مواقع حساسة جوه إيران وإيران كمان ردت بنفس الطريقة، والتقارير بتقول إن الضربات دي استهدفت علماء كبار ومواقع عسكرية تقيلة.
والخبر ده قلب الدنيا حرفيا، خصوصا في أسواق الاستثمار، واللي أولها طبعا الدهب وبعد الإعلان عن الضربة، سعر الدهب العالمي عمل قفزة تاريخيةر، وارتفعت الأونصة بنسبة 1.7%، وكمان وصل سعر الوقية ل 3444 دولار، وده أعلى مستوى من حوالي شهر.
ونيجي بقى للأسعار عندنا في مصرر، واللي اتأثرت بالأسعار العالمية وارتفعت هي كمان، عشان يوصل عيار 18 ل 4157 جنيه، وعيار 21 سجل 4845
طب السؤال هنا، هو ليه الدهب بيتأثر بالحرب والظروف السياسة أو الجيو سياسية؟
بص يا سيدي، الدهب بيعتبر الملاذ الآمن وقت الأزمات ومخزن لقيمة الفلوس، وأي توتر سياسي أو عسكري بيحصل في العالم كلو بيخلي الناس تسيب الأسهم والعملات وكمان الشهادات وتروح على الدهب.
والموضوع مش بس ضرب إيران، ده كمان الدولار اتحرك وارتفع شوية، لكن أغلب المحللين شايفين إن ده صعود مؤقت، وممكن يرجع يهدى تاني لو الدنيا هدبت والحرب بين إيران وإسرائيل سكتت.
ولكن من ضمن السناريوهات المتوقعة لمستقبل الدهب، هو إن لو التوتر زاد وحصلت ضربات تانية، فالأسواق هتفضل متوترة، وممكن نشوف الدهب بيكسر ال 3500 دولار عالميا، وساعتها الأسعار في مصر هتولع أكتر.
أما بقى، لو حصل هدوء أو أي بوادر هدنة، فالأسعار ممكن تهدى شويةوالسوق يرجع يصحح نفسه وأسعار الدهب تستقر أو حتى تنزل.
ودلوقتي، لو انت مستثمر طويل المدى وبتدور على أمان، فالدهب لسه خيار ممتاز لحضرتك، والهدوء اللي ممكن يحصل هيبقى فرصة كويسة للشراء، أما بقى لو بتفكر تبيع، فاستغل موجة الصعود دلوقتي، وراقب الأسعار أول بأول، لأن أي تصريح سياسي ممكن يقلب المعادلة في ثواني، ويرفع الأسعار في لحظة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
