"ربنا يشفيكي يا حبيبتي".. مصطفى عماد يدعم ملك زاهر ويدعو لها (صورة)

حرص الفنان الشاب مصطفى عماد علي دعم الفنانة ملك أحمد زاهر والدعاء لها، وذلك بعد تعرضها لـ أزمة صحية مفاجأة نُقلت علي آثرها إلي المستشفي. 

مصطفى عماد يدعم ملك زاهر ويدعو لها بالشفاء

ونشر مصطفى عماد صورة تجمعه بملك زاهر، من خلال حسابه الرسمي عبر موقع تبادل الصور والفديوهات القصيرة إنستجرام، عبر خاصية استوري، وكتب: "اللهم رب الناس اذهب البأس واشف انت الشافي لا شفاء الا شفاءك.. شفاء لا يغادر سقمًا، ربنا يشفيكي ويعافيكي يا حبيبتي ويبعد عنك اي مرض او شر". 

وأضاف:" ادعوا لملك بالشفاء وان ربنا يقومها بالسلامة يارب". 

وكانت ملك أحمد زاهر قد أعلنت منذ أيام تعرضها لأزمة صحية مفاجئة تسببت في إرهاق وتعب شديد دون تشخيص واضح حتى الآن، وطلبت من جمهورها الدعاء لها وكتبت من خلال حسابها الرسمي عبر موقع تبادل الصور والفديوهات القصيرة إنستجرام، عبر خاصية استوري: "أنا عمري ما كنت بنزل غير الحاجات اللذيذة أو الهزار أو اي حاجة إيجابية من الآخر، ولما كنت أحب أنزل حاجة سلبية كنت باخدها بهزار وينزلها close friends وبهزر بيني وبين صحابي بس بجد حاسة أن الفترة الأخيرة بيجيلي كومنتس كلها مانتي عايشة ومبسوطة وأحنا مش عايشين وأيه كل اللي انتو فيه وحاسة أن في الناس بصة على اتفه الحاجات اللي ممكن تكون عندي أو بتبسطني زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين".

وأضافت:" حبيت بس أقولكم أن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجاة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني باللي أنا فيه ده ونفسيتي وحشة اوي".

وتابعت:"أنا بحكي الكلام ده عشان تعرفوا بس أن حياتي فيها الحلو والوحش والله زي اي حد بس أنا بحب دايما أشير الحلو بس وغالبا ده غلط، فقررت أشارككم كمان الوحش، ومع أن اللي بيحصلي دلوقتي أنا بحمد ربنا عليه وعارفة أنه بإذن الله هايكون حاجة بسيطة وأن شاء الله هاخف وکله هايكون تمام بس هو مخلي نفسيتي وحشة أوي حقيقي".

واختتمت: "كل اللي بطلبه أنكم متحكمش على حد من السوشيال ميديا أو من ظهوره في أي حاجة لأنها بتوري بس يمكن 20% من حياته ادعولي اخف بسرعة شكرًا".