تعرضت الفنانة ملك أحمد زاهر مؤخرًا لوعكة صحية نُقلت علي آثرها الي المستشفى، وحرصت ملك علي الدعاء لنفسها، متمنية الشفاء العاجل.
ملك زاهر تدعو لنفسها بعد تعرضها لوعكة صحية
وكتبت ملك زاهر من خلال حسابها الرسمي عبر موقع تبادل الصور والفديوهات القصيرة "إنستجرام"، عبر خاصية استوري: "اللهم رب الناس، أذهب البأس، اشف أنت الشافي، لا شفاء إلا شفاؤك، شفاءً لا يغادر سقما.. اللهم إني أسألك من عظيم لطفك وكرمك وسترك الجميل أن تشفيني وتعافيني، وتمسح عني كل ألم يا أرحم الراحمين.. اللهم اشف جسدي من كل ضعف، وقلبي من كل هم، وعقلي من كل قلق، واملأني يقينا أن ما عندك خير مما فقدت".
وكانت شاركت ملك زاهر جمهورها صورة من داخل المستشفى، وكتبت من خلال حسابها الرسمي عبر موقع تبادل الصور والفديوهات القصيرة إنستجرام، عبر خاصية استوري: "أنا عمري ما كنت بنزل غير الحاجات اللذيذة أو الهزار أو اي حاجة إيجابية من الآخر، ولما كنت أحب أنزل حاجة سلبية كنت باخدها بهزار وينزلها close friends وبهزر بيني وبين صحابي بس بجد حاسة أن الفترة الأخيرة بيجيلي كومنتس كلها مانتي عايشة ومبسوطة وأحنا مش عايشين وأيه كل اللي انتو فيه وحاسة أن في الناس بصة على اتفه الحاجات اللي ممكن تكون عندي أو بتبسطني زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين".
وأضافت:" حبيت بس أقولكم أن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجاة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني باللي أنا فيه ده ونفسيتي وحشة اوي".
وتابعت: "أنا بحكي الكلام ده عشان تعرفوا بس أن حياتي فيها الحلو والوحش والله زي اي حد بس أنا بحب دايما أشير الحلو بس وغالبا ده غلط، فقررت أشارككم كمان الوحش، ومع أن اللي بيحصلي دلوقتي أنا بحمد ربنا عليه وعارفة أنه بإذن الله هايكون حاجة بسيطة وأن شاء الله هاخف وکله هايكون تمام بس هو مخلي نفسيتي وحشة أوي حقيقي".
واختتمت: "كل اللي بطلبه أنكم ما تحكموش على حد من السوشيال ميديا أو من ظهوره في أي حاجة لأنها بتوري بس يمكن 20% من حياته وأدعولي اخف بسرعة شكرًا".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
