حلم الحصول علي وظيفة واحدة من الأحلام اللي بتراود عدد كبير من الناس خصوصا الشباب فما بالك لو الوظيفة دي بقي في البنك المركزي.. ياتري هل البنك المركزي اعلن عن وظايف جديدة.. واية هيا الشروط المطلوبة للتقديم فيها.
مين فينا مش بيحلم بوظيفة كويسة ويعرف يعيش مستقر من مرتبها ويكفي احيتاجاته الاساسية، وده هدف كل الناس بتحلم بيه، علشان كده الناس في الوقت الحالي علي طول عندهم حلم التحول للأحسن والانتقال من وظيفة للتانية بهدف الوصول لمستوي معين من الراتب اللي شايفه أنه هيكفي احتياجاته المادية والمعيشية.
اعلانات وظائف البنوك واحدة من الحاجات اللي بيكون عليها بحث كتير جدا من جانب الشباب خصوصا أن البنوك بتدي مرتبات نسبيا احسن من قطاعات كتير في الدول، لكن انا دلوقتي هقولك علي بنك اعلن عن فرص عمل جديدة للشباب وبشروط ومميزات مش موجودة في اي اعلان تاني، والبنك ده هو البنك المركزي، واللي اعلن عن حاجته لشغل عدد من الوظائف في قطاع تكنولوجيا المعلومات بالمقر الرئيسي.
البنك المركزي حدد شوية شروط مهمة في الناس اللي عايزة تقدم للوظائف الجديدة وهيا أن المتقدم يكون حاصل علي شهادة بكالوريوس على الأقل في علوم الحاسب أو هندسة البرمجيات أو ما يعادلها، ويكون عنده خبرة مهنية متقلش عن 9 سنين في مجال تصميم وتكامل التطبيقات، وعلي دراية كبيرة بحلول البرمجيات الوسيطة، والتقنيات الحديثة في البنية المؤسسية، وعنده قدرة مثبتة على تقديم تقارير أداء المشاريع ومتابعة التنفيذ، ويكون عنده كمان مهارات عالية في التواصل وتحليل المشكلات والعمل الجماعي وإتقان اللغتين العربية والإنجليزية قراءة وكتابة، وإجادة استخدام أدوات تصميم البنية البرمجية الحديثة.
البنك المركزي حدد علي موقعه الألكتروني عدد كبير من الأهداف اللي عايز يحققها من المتقدمين الجدد للوظائف وهيا تصميم بيئة تطبيقات عالية الكفاءة تلائم الأهداف المؤسسية، وتقديم حلول تقنية قابلة للتطوير، من خلال العمل المشترك مع الفرق الفنية والإدارية جوا البنك واللي بتشمل المهام الإشراف على تنفيذ البنية البرمجية، وتقديم الدعم الفني لفرق التطوير، مع ضمان الالتزام بمعايير الأمان والموثوقية.
البنك المركزي أكد كمان أن التقديم علي الوظائف الجديدة بيكون من خلال التقديم علي موقعه الرسمي على الإنترنت من خلال بوابة التوظيف الإلكترونية والعميل بيقوم بعمل حساب له وبيملي نموذج الطلب، وبيحمل السيرة الذاتية والمستندات المطلوبة للتعين.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
