تعرف إن صوتك أو بصمة صباعك ممكن تكون أهم مفتاح لأمان فلوسك؟ طب تعرف ان التكنولوجيا الحيوية ممكن تحمينا بجد من أي محاولة احتيال.. بس يعنى إيه أصلا تكنولوجيا حيوية .. فى الفيديو ده هنقولك إزاي البنوك بتستخدم الصوت وبصمة الصباع عشان تحافظ على فلوس العملاء.
فى البداية كده خلينى اقولك يعنى ايه تكنولوجيا حيوية؟
ببساطة كده التكنولوجيا الحيوية دي هي طريقة بتخلي البنك يتعرف عليك عن طريق حاجات خاصة بيك أنت وبس، مستحيل حد يقلدها.
زي إيه؟
زي بصمة صباعك أو بصمة وشك ( من خلال التعرف على الوجه)، أو حتى صوتك.. الحاجات دي زي البطاقة الشخصية ليك بس مابتتسرقش ولا بتتزور.
طب إزاي تحمي حسابك بالتكنولوجيا الحيوية؟
بدل ما زمان كنا بنستخدم أرقام سرية ممكن تتنسي أو تتسرق.. دلوقتي الدنيا اتطورت وبقت أسهل وأمان أكتر بكتير.. و أول ما بتيجي تعمل أي عملية على حسابك سواء من الموبايل أو ماكينة الصراف الآلي بدل ما تكتب الرقم السري بتحط صباعك.. البنك بيتعرف على بصمتك فوراً ويتأكد إنك صاحب الحساب وده منتهى الأمان لأن مستحيل حد يسرق بصمة صباعك ويستخدمها.
كمان في بنوك كتير دلوقتي بتستخدم كاميرات خاصة بتتعرف على ملامح وشك بدقة عالية جداً. . ودي طريقة سريعة ومضمونة عشان البنك يتأكد من هويتك قبل ما تتم أي معاملة.
بصمة الصوت كمان تكنولوجيا جديدة ومبتكرة ممكن البنك يطلب منك تسجل بصمة صوتك مرة واحدة وبعد كده لما تتصل بخدمة العملاء بيتعرف على صوتك ويأكد هويتك من غير ما تحتاج تجاوب على أسئلة كتير أو تدي أي معلومات شخصية.. دي بتوفر وقت كبير وبتحميك من أي حد ينتحل شخصيتك في التليفون.
ليه التكنولوجيا دي أقوى وأكتر أمان؟
بصمة صباعك أو وشك أو صوتك هي حاجة فريدة ليك أنت وبس مش ممكن تتنسي زي الباسورد.. ولا تتسرق زي كارت البرافيت.. ولا حد يعرف يخمنها زي رقم سري ضعيف.. حتى لو حاول هاكر يخترق صعب جداً يوصل لأي بيانات حيوية تخصك عشان يقلدها.. التكنولوجيا دي بتدي طبقة حماية زيادة قوية جداً لحساباتك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
