حرصت الفنانة ميار الببلاوي على مساندة الفنان أحمد السقا في الأزمات التي يمر بها منذ طلاق الإعلامية مها الصغير بعد زواج دام لمدة 26 عامًا، حيث كان تصدر اسمه محركات البحث بسبب منشور منسوب إليه يلمح فيه لأنباء زواج طليقته من الفنان طارق صبري مما أحدث جدلًا واسعًا.
ميار الببلاوي: أحمد السقا راجل بمعنى الكلمة وحنين على أهل بيته
ونشرت ميار الببلاوي منشور عبر حسابها الرسمي على موقع التواصل الاجتماعي فيسبوك كتبت فيه: “مش عارفه انام من زعلي على أخويا وعشرة عمري أحمد السقا والله مش ببالغ لأنى عارفه أحمد كويس اوى حتى لو السنين بعدتنا وعارفة احساسه يا قلبى دلوقتي الفروسيه اللى فى شخصية أحمد مش بيتظاهر بيها يا جماعة هو فعلا جواه فروسية نادرة فى الزمن ده راجل بيته حنين على مراته وولاده”.
بعد الطلاق.. ميار الببلاوي تروي كواليس زواج أحمد السقا و مها الصغير
وتابعت حديثها كاشفة كواليس زواج الثنائي وأول يوم رأى فيه الفنان أحمد السقا الإعلامية مها الصغير وقرر الزواج منها، وقالت في حديثها الذي يرصده موقع تحيا مصر: “لسه فاكرة اليوم اللي شاف فيه مها وقرر يخطبها وكنا بنصور مسلسل رد قلبى في استوديو الأهرام وانا ورامز كنا قاعدين بنحفظ مشهد دخل وقالى ميوره عاوزك قلتله فى ايه خضتنى وساعتها كان صاحبه اوى الفنان الجميل أخونا خالد محمود قالى باركى لأخوكي قلتله ليه مسلسل جديد قالي لا هخطب مها الصغير قلتله يا شيخ قالى اه وبحبها اوى قلتله دى قمراية وباباها أخلاق وكلنا بنحبه فعلا وشه كان بيتنطط من الفرحة”.
وتابعت: “ومرت السنين وطلعنا الحج سوا وكانت معانا مها خوفه عليها واهتمامه بيها والله شهادة حق راجل بمعنى الكلمه وهى مانت جميله وكيوت وبتسمع كلامه وبتحترمه فى ايه يادنيا دول 26 سنه وشباب وبنوتة الله يربط على قلبك يا قلب اختك مقلناش حاجه حقها ترتبط بعد الطلاق بس حرقة قلبه دلوقتى مش عليها على ولاده وصدمتهم فى أمهم رغم انها معملتش حاجه غلط بس فى اعتبارات”.
ميار الببلاوي توجه نصيحة لـ أحمد السقا
اختتمت مسار الببلاوي حديثها موجهة رسالة إلى الفنان أحمد السقا، قائلة: “وكلمتس ليك يا أحمد ادعي وانت على جبل عرفات ان يوجرك الله فى مصيبتك ويخلفك خيرا منها والى بيمشى هو الخسران او الكسبان حاجة ترجعله ترجع بالسلامة يافارس الفرسان وازمه وتعدى وياما دقت على الراس طبول ياحبيبى وانت قدها وادود ركز فى حجك وترجع ربنا هيراضيك وكل سنه وانت فارس وجدع وسيد الناس”.
