شريف مدكور يفجّر الجدل: أصلي في بيتي و"أسفك مش مقبول" لمن أساءوا لي وقت مرضي

أثار الإعلامي شريف مدكور موجة من الجدل بعد ظهوره ضيفًا في بودكاست "الرحلة"، حيث كشف عن تفاصيل شخصية مهمة في حياته، وتحدث بصراحة عن علاقته بالصلاة، وفترة إصابته بالسرطان، إضافة إلى موقفه من التنمر.

وتحدث مدكور عن طريقة أدائه للصلاة قائلًا:"لا أصلي في المسجد لأنه بيكون زحمة ومش بعرف أركز، بحب أهيئ نفسي قبل الصلاة بهدوء، بقفل تليفوني وبستلقي على الأرض شوية، وبلبس ملابس مريحة، عندي مكان مخصص في البيت ببدأ فيه صلاتي بخشوع تام."

أما عن التنمر، فأكد أنه لا يتأثر به، لكن كان حريصًا على كشف نمط الهجوم الذي يتعرض له:"معظم اللي بينتقدوني بيتبعوا نفس الأسلوب، وكنت عايز أظهر ده للناس، أنا مش ضعيف ولا سطحي علشان أزعل من تنمر."

وتطرق إلى تفاصيل صعبة خلال فترة مرضه بالسرطان، قائلًا:"لما تعبت واكتشفت المرض، الأطباء أكدولي إنه مش وراثي، سببه الضغط والزعل. ولما ناس جولي يعتذروا، ردي كان واضح: أسفك مش مقبول، أنا كنت مستني أموت ونقف قدام ربنا، مالكش حق تتكلم عني أو عن عرضي، خليك في حالك وأنا في حالي."