ايه حكاية مشروع إيلون ماسك الجديد في مصر .. وايه قصة المفاوضات اللي شغالة دلوقتي بين الحكومة المصرية وشركة ستارلينك الأمريكية وازاي الاتفاقية هتغير خريطة الانترنت في مصر.
جربت مرة تكون في حتة مقطوعة ومحتاج انترنت لأمر مهم أو مسألة حياة أو موت أو عشان تنجز صفقة بس للاسف الشبكة كانت خارج التغطية والخدمة غير متاحة.. دلوقتي الوضع دا هيتغير تماما في مصر وهتقدر وانت في القلب الصحرا تنجز شغلك على الموبايل او اللاب توب وتعمل أي اتصالات لاي مكان في العالم من غير اي مشاكل.. أيو دا اللي هيحصل في مصر قريب بعد انتهاء مفاوضات دخول الانترنت الفضائي لمصر.. تعالوا نشوف إيه الحكاية.
في الأيام الأخيرة وزارة الاتصالات عملت اجتماع مهم مع قيادات من شركة ستارلينك الأمريكية المتخصصة في تقديم خدمات الإنترنت عبر الأقمار الصناعية وكان هدف الاجتماع هو بدء مفاوضات أولية لإطلاق خدمة إنترنت ستارلينك في مصر.. وبحسب مصادر خدمة الاتصال بالأقمار الصناعية تعتمد على تقديم خدمات الإنترنت والاتصالات من خلال تلقى إشارات منه.
" title="إنترنت بسرعة الصاروخ.. ستارلينك هتعمل ايه في مصر" frameborder="0">
طيب ايه حكاية إنترنت ستارلينك دي؟
شوف ياسيدي .. ستارلينك دا مشروع الإنترنت عبر الأقمار الصناعية اللي بتديره شركة سبيس إكس المملوكة للملياردير الأمريكي إيلون ماسك وهي بتشغل بالفعل أكبر مجموعة أقمار صناعية في العالم تضم أكتر من 7000 قمر صناعي في مدار أرضي منخفض.. ووظيفة الاقمار دي توفير انترنت لاي منطقه في العالم مهما كانت معزولة ومن غير اي توصيلات كل اللي عليك انك هتضيف الشبكة تليفونك وهيكون معاك هوائي عادي عشان الإشارة تجيلك في أي حتة في البلد أو أي مكان مفهوش انترنت زي المناطق الريفية النائية أو الصحراوية أو حتى وانت في عرض البحر.. وحل مثالي لتوفير الإنترنت للمناطق اللي فيها تضاريس صعبة زي الجبال وغيرها واي مكان معزول.
خدمة ستالينك مش اي دولة بتستخدمه عشان كان عليها كلام كتير بسبب منظومات التشغيل وغيرها لكن في الفترة الللي فاتت الولايات المتحدة سمحت بالتوسع في استخدام الانترنت الفضائي وفي المنطقة عندنا نجحت السعودية في توقيع اتفاقية مع شركة ايلون ماسك لإدخال الخدمة الجديدة في مجالات الملاحة الجوية والبحرية والاتصالات في المناطق المعزولة.
وفي حال نجاح المفاوضات مع مصر هتكون تاني دولة في المنطقة يدخلها الانترنت الفضائي ودا طبعا هيفرق كتير في الاقتصاد المصري وهيخدم قطاعات مختلفة ومنافسة في نفس الوقت بين شركات الانترنت العادية والانترنت الفضائي وخاصة إن سرعات انترنت ستالينك صاروخية وسريعة جدا ودا مهم جدا في البينة الأساسية لاي اقتصاد رقمي دلوقتي وخاصة في اقتصاد زي الاقتصاد المصري واللي بيتبنى رقمنة الخدمات والاقتصاد والذكاء الاصطناعي.. وبالارقام شبكة المعلومات الدولية الإنترنت في مصر وصلت لـ 96.3 مليون فرد في بداية 2025 ووص معدل انتشار الإنترنت 81.9% ودا يخليها أضخم سوق للمحمول والانترنت في افريقيا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
