أكيد سمعت الأيام اللي فاتت اسم مدينة القنطرة غرب أكتر من مرة.. ياترى ايه اللي بيحصل هناك وازاي المدينة هتتحول إلي مصنع العالم وكنز بمليارات الدولارات.
على مدار الفترة اللي فاتت مصر حققت إنجازات نوعية ومهمة جدا في ملف الصناعة وافتتحت الدولة عدد كبير من المصانع الهامة في مختلف المناطق والمدن الصناعية في مصر وكان آخرها افتتاحات رئيس الحكومة الدكتور مصطفى مدبولي لمصنع جديد لشركة يابانية عالمية في ي صناعة مكونات السيارات بمدينة العاشر من رمضان واللي قدرت تحول مصر الى مركز إقليمي في صناعة مكونات السيارات وخاصة صناعة الوصلات الكهربائية والضفاير الالكترونيه والكهربائية المتطورة وغيرها من المصانع الكبيرة في الفترة اللي فاتت..
وزي ما احنا عارفين توطين الصناعة ملف مهم جدا في أولويات الدولة والرئيس السيسي بيتابعه بنفسه والحقيقة حصل تطور كبير فيه وشفنا صناعات كتير بتفتح في مصر عشان تتحول لمركز عالمي واقليمي في صناعات كتير واستغلال موقعها الجغرافي الفريد والبنية الأساسية الحديثة اللي تمت والمواني واللوجستيات وقناة السويس في تحول مصر لغول اقتصادي وصناعي وتجاري.. وبمناسبة قناة السويس والمناطق اللي حوليها واللي بقت حديث الأسواق الصناعية والاستثمارية في العالم الفترة اللي فاتت بسبب تحولها لمناطق صناعية واعدة ومهمة زي المنطقة الاقتصادية لقناه السويس واللي بتعتبر مستقبل الصناعة في المنطقة كلها وهتخرج منها منتجات لكل دول العالم.
وكمان فيه مشروعات ضخمة بتم دلوقتي في مدينة القنطرة غرب القريبة من حيز قناه السويس واللي بتعتبر أحدث المناطق اللي بتوطن الصناعة العالمية دلوقتي ولو مش عارف أهمية المنطقة دي في القنطرة غرب فالخبراء شايفين أنها هتكون مصنع العالم وكنز بمليارات الدولارات ودا لأن موقعها فريد من نوعه وبتشهد استثمارات صناعية هايلة وعلى سبيل المثال في الساعات الأخيرة وقعت شركة هايتكس الصينية عقد لإنشاء مصنع لإنتاج الأقمشة الزخرفية والمفروشات المنزلية بمنطقة القنطرة غرب الصناعية بطاقة إنتاجية 20 مليون متر من الأقمشة سنويا وبكده يبقي مصنع هايتكس هو المصنع العشرين داخل القنطرة غرب واللي بتخطط مصر لتحويلها إلى مصنع العالم زي ما قلنا في صناعات المفروشات والغزل والنسيج والملابس الجاهزة ودي من أهم الصناعات في العالم ومصر متفوقة فيها من زمان وليها خبرة واسعة فيها وعندها أسواق مهمة في العالم كله خاصة السوق الامريكي والأوروبي.
مصر لما تبقي مصنع العالم في صناعات الملابس والمفروشات ..فأكيد دا هيوفرلها مليارات الدولارات سنويا من الصادرات وفي نفس الوقت هتجذب شركات عالمية جديدة للمنطقة وتقدر تتخيل القنطرة غرب هتكون ازاي مع اكتمال المشروعات فيها وجمبها باقي مصانع المنطقة الاقتصادية لقناه السويس.. الأرقام بتقول إن مصر في طريقها انها تكون غول صناعي عالمي ودا بيتحقق فعلا دلوقتي على أرض الواقع.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
