مصر ناوية تعمل معجزة من منجم السكري، الانتاج في السنين اللي جاية هيتخطي الانتاج اللي حققته مصر علي مدار تاريخيها.. ياتري الانتاج ده هيتحقق أزاي .. واية خطة الحكومة لمضاعفة الانتاج من منجم السكري.
الفترة الرئاسية الجديدة الحكومة عندها تحديات وتكليفات كتيرة من القيادة السياسية بتحويل مصر لقطاع منتح ومصدر في كل القطاعات خصوصا ان الحكومة راسمة لمصر خطط لتحويلها لدولة من اقوي الدول اقتصاديا، وده مش هيحصل اللي لو مصر تحولت لدولة منتجة ومصدرة من الطراز الاول، علشان كده الحكومة بتتحرك في كل الاتجاهات علشان تزود الانتاج المحلي وكمان يكون عندنا فائض في التصدير .
التكليفات الحكومية بمضاعفة الانتاج المحلي الحكومة بتنفذها بكل جديدة، واللي بتقوم وبتابع تنفيذ التكليفات دي هيا اللجنة الصناعية المشكلة برئاسة الدكتور مصطفي مدبولي رئيس مجلس الوزراء، واللي بيكون حريص علي متابعة تذليل العقبات اللي بتواجه قطاع الصناعة في مصر، وكمان بيكون حريص علي عقد لقاءات مع كل المستثمرين وبيتابع مع افراد الحكومة الخطوات اللي بيتم اتخاذها لدخول وجذب الاستثمارات الجديدة.
طيب اية حكاية مضاعفة انتاج الذهب من منجم السكري ؟.
الدكتور مصطفي مدبولي رئيس مجلس الوزراء خلال الاسبوع الحالي عمل زيارة مهمة لمنجم السكري واللي هو بيعد واحد من أكبر مناجم الذهب على مستوى العالم واحتياطات الذهب فيه هتكفى لمدة 10 سنوات جاية، وحجم إنتاج الذهب المتوقع خلال الـ8 سنوات اللي جايين هيفوق إنتاج الـ10 سنوات اللي فاتوا.
زيارة الدكتور مصطفي مدبولي رئيس مجلس الوزراء كانت بهدف التعرف علي سير العمل بالمنجم والمشاكل اللي بتواجه الشركة المسئولة عن التنقيب عن الذهب هناك، وكمان اتعرف علي حجم الاستثمارات في الذهب بالنسبة لمصر، وكمان اتعرف علي حجم احتياطي مصر من الذهب واللي بيوصل لعشر سنين جاية.
الوقت الحالي مصر مش هتقدر تدخل في عملية التنقيب عن الذهب في منجم السكري، خصوصا أن الشركة المسئولة عن منجم السكري صرفت أكتر من 2 مليار دولار علشان توصل لحجم الإنتاج الموجود النهاردة.
طبعا كلنا عارفين أن الحكومة عملت اجراءات كتيرة جدا علشان ترجع الشركات الأجنبية اللي كانت موجودة في مصر خصوصا أن اغلب الشركات ورؤوس الأموال الاجنبية اللي كانت شغالة عندها في مجال التنقيب والاكتشافات البترولية والتعدينية الجديدة سابت مصر بسبب فلوسهم اللي كانت متاخرة عند الحكومة، وفي عدد كبير من الشركات رجعت واستأنفت شغلها، والشركات دي بدأت تعلن عن اكتشافات جديدة أخرهم اكتشاف هيقلب مصر كلها، واللي اعلنه رئيس مجلس الوزراء مصطفي مدبولي أن واحدة من الشركات العاملة في مصر توصلت كشف تجاري جديد للذهب بمناجم أبو مروات في مصر، والمنجم ده هيكون منجم كبير وضخم للذهب في مصر، والكشف ده هيغير خريطة مصر تماما من انتاج الذهب.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
