حذرت سيدة من سائق أوبر حاول خطفها هي وبناتها ، على حد قولها بتغيره اتجاه خط السير ، واستغاثتها بشباب أنقذوها.
وسردت السيدة الواقع قائلة،"مصيبه من مصايب أوبر انا واحده من الناس االي كنت بطلب أوبر ف كل مشوار وكل وقت وبكون مطمنه بيكون معايا بناتي أطفال انهارده طلبت أوبر من امبابه لسفر لطوخ قليوبيه ونبهت عليه انه يمشي ع لوكيشن وتباعت معه جه ع دائري كان مفروض يمسك طريق زراعي لاقيته طلع بنها الحر قولت لكابتن الطريق غلط انت طلعت غلط قالي لا انا ماشي ع لوكيشن قولتلو لا مش دا لوكيشن و وريته قالي اه اه ما دا طريق مختصر سكت وتباعت ع لوكيشن لاقيت انه تايم االي مفروض اوصل في بيزيد من ٧وعشره لحد سبعه وربع لحد سبعه ونص لحد ٨ الا ربع كل دا وماشي ف طريق اقوله وعدينا الكارته بكتير اوووووي اقوله طيب أقف نسأل يقولي لا عارف الطريق".
وتابعت،" اللي عارف طريق بنها حر طريق سريع فاضي والعربيات سريعه جدا فضلت اقوله اقف مش راضي وقفل لوكر العربيه شاورت للعربيه فيها اتنين شباب واستغثيت بيهم كذا مره اول ما شافني فضل يزعق بتوقفيهم ليه بتعملي اي وزعقلي قالي انا عارف الطريق جررررري ب العربيه والشباب لحقونا ب العربيه لحد ما قفلو عليه الطريق وقالي ف اي يا مدام قولتلو احنا مش عارفين رايحين فين ومش راضي ينزلنا قالهم لا انا هوصلهم انا عارف طريق ف نازله هنا هنزلهم انا اصلا من بنها قالو له ماشي امشي قدامنا واحنا وراك ".
واستطردت،" قبل ما يركبو عربيتهم جرررري اقوله استناهم استناااااا ليه بتجري يقولي خلاص انا عارف طريق واخد يمين وكان داخل بينا دخلة زفته ودا عكس طريقنا الشباب جريو وعملو اشاره يقف جري اسرع ربنا يبارك لهم عربيتهم كانت اعلي وأسرع قفلو عليه تاني وقالو له انت رايح بيهم فين دا طريق زفته و عربيتك كمان غربيه قالهم اصل غلط ف طريق انا غلطان قولتلو انت كداب انت قولت انا من بنها قالي اه والله قولتلو هات بطاقتك ب العافيه والضغط طلعها طلعت غربيه فعلا".
وتابعت،" وكان واخدنا ف طريق بتاع بلده واحنا رايحين طوووووخ واللي فاهم الطريق مختلف تماما ..مكنش راضي ينزلنا الشباب الله يبارك ف عمرهم اخدونا معاهم وفضل ماشي ورانا طوووول طريق لحد موقف بنها واول ما وقفنا جه يطاردنا تاني ويقول انا هوصلكم ببلاش خلاص انا غلطان مش هعمل كدا تاني خلاص وكان بيحاول ب اي شكل نركب معه او يدفع لنا فلوووس عشان منفضحوش لانه حصل مشادات ف شارع ورجاله يقوله له ف موقف بنها امشي امشي مش راضي لحد ما قولتلو امشي بدل ما اكسر العربيه راح مشي".
واختتمت صاحبة الواقعة مع سائق أوبر،"والشباب وقفو لنا عربيه وركبونا وقالو له لو عربيه حاول توقفك متقفش وخلي بالك منهم يا جماعه خلي بالك وارجواكم افضحو وشيرو واكتشفت انهم انه عليه ٥٦٨ بلاغ ع تروكولر غير تعليقات أوبر مستنيه اي وكمان الابلكيشن وقف اول ما دخل الطريق الغلط البرنامج كله وقف حتي مسدج السلامه مجتش ان الواجهه تغير غير عشره بليل اما قفل الرحلة".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
