قال محمود فايز المدرب العام السابق لمنتخب مصر، بأن إعلان النادي الأهلي الجديد لم يحدث في أي إسقاطات على نادي الزمالك، وكان من الغريب حذف الإعلان بعد هجوم جماهير الزمالك، ويستعرض موقع تحيا مصر التفاصيل.
تصريحات محمود فايز
وكتب محمود فايز في رسالته عبر فيس بوك، حالاً لسه متفرج علي الإعلان الجدلي، وأقسم بالله العظيم اول لحظه ما خدت بالي أصلاً من عربية الإسعاف صاحبة المشكلة.
وتابع محمود فايز، موضوع الولد المجنون (أحمد كمال) هو يوتيوبر (بتاع أفلام) وأصلاً أهلاوي متعصب، وشاب ظريف ودمه خفي، هو نفسه بيغني بيقول الاهلي حاله.
وأكمل محمود فايز، فهمتها إنه مجنون بحب الاهلي زي ما أنا بشوف فيديوهاته في الحقيقة وردود افعاله الانفعالية الظريفة مع ناديه.
وأشار محمود فايز، وبعد كده في آخر الإعلان احمد نفسه بيجري تاني وبيغني وبيقول (الاهلي حاله وأحب غيره ده استحاله)، حاله من الجنون بحب ناديه، ده اللي فهمته والله من أول وهله.
واختتم محمود فايز رسالته، بس الشركة نفسها ضربت كرسي في الكلوب بإزالة الإعلان من علي كل المنصات، كاد المريب أن يقول خذوني، رغم أن الإعلان فعلاً لذيذ وكلماته حلوة بعيدا عن اللقطة الجدلية، احترامنا مطلق لنادي الزمالك وجمهوره ومفيش فيه جدال ولا شك.
