ليه ثقة العالم في الدولار بتتآكل؟ وليه أمريكا بقت قلقة من تكرار اللي حصل سنة 1925؟ وهل فعلاً إحنا على أعتاب انهيار أكبر اقتصاد في العالم؟
وإزاي الذهب والبيتكوين رجعوا للواجهة من تاني؟ .. كل الأسئلة دي ليها إجابة واحدة.. التحول اللي بيحصل قدام عنينا ومحدش واخد باله كفاية.
في 1925.. العالم كان على أعتاب تلات تحولات كبرى: سياسية وتكنولوجية ونقدية.. وبعدها بعقود.. سقط الاتحاد السوفييتي وبقيت أمريكا القوة العظمى الوحيدة.
دلوقتي.. وبعد مرور 100 سنة بالظبط.. إحنا بنعيش نفس السيناريو تقريبًا بس بظروف مختلفة.
العالم كله بيتفرج على نظام القطب الواحد وهو بيقع.. الصين بتتحرك بهدوء.. بتبني قاعدة صناعية ضخمة وبتقف في وش أمريكا.. ومعاها روسيا.. اللي بقت شريك استراتيجي في الطاقة والسياسة.. والنتيجة واضحة.. العالم مش هيفضل أحادي القطب.. إحنا دخلنا فعليًا في مرحلة "العالم متعدد الأقطاب".
أما على مستوى التكنولوجيا.. فإحنا داخلين على ثورة من نوع تاني.. الذكاء الاصطناعي بقى أداة بتشوف وتسمع وتفهم وتقرر وده بيغير شكل التعليم.. الصحة.. الإعلام.. والصناعة.
والمفتاح هنا مش AI لوحده.. لأ.. المفتاح هو دمج الذكاء الاصطناعي بالحوسبة الكمية.. وده اللي هيكون العمود الفقري للعصر الجاي.
لكن أكتر جبهة مؤثرة حاليًا هي الجبهة النقدية.. الثقة في الدولار بتتآكل بسرعة.. ليه؟ لأن الدولار مش مرتبط بحاجة حقيقية من وقت ما أمريكا فصلته عن الذهب في السبعينات
من ساعتها وهو عملة مدعومة بالثقة والدَين.. بس المشكلة إن الثقة دي بتقل.. وده اللي بيخلّي البنوك المركزية ما بقتش تشتري ديون أمريكا زي زمان العكس تمامًا.. بقت بتستثمر في الذهب.. وبعضها حتى بدأ يبص للبيتكوين كأصل بديل.
الحاصل ده مش وليد اللحظة.. من 2014 والمؤشرات بتقول إن في حاجة كبيرة بتتغير.. ودلوقتي.. في 2025.. بقت واضحة العالم بيهرب من الدولار.. وبيتجه للأصول الحقيقية الدهب.. البيتكوين.. أي حاجة ملموسة أو محدودة العرض.
اللي بيحصل دلوقتي هو تكرار لتاريخ حصل بالفعل 1925 كانت بداية لنهاية نظام مالي عالمي.. ودلوقتي 2025 بتفتح صفحة جديدة في نظام عالمي مختلف تمامًا.
والسؤال دلوقتي هل أمريكا قادرة تحافظ على مكانتها؟ ولا انهيار الثقة في الدولار هيكون بداية لنهاية عصرها؟ وهل إحنا كمستثمرين ومدخرين جاهزين للمرحلة الجاية؟
الأكيد .. ان إحنا مش عايشين في وقت عادي.. إحنا واقفين على بوابة تغيّرات جذرية.. في السياسة.. في التكنولوجيا.. وفي الفلوس اللي مش شايف ده.. هو ببساطة مش عايز يشوف.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
