علق الإعلامي تامر أمين على تصويت أندية الدوري على إلغاء الهبوط هذا الموسم، مشيرا إلى أن هذا الأمر يشير إلى عبثية كرة القدم في مصر.
وقال أمين خلال برنامج "آخر النهار" المذاع على قناة "النهار": "العبثية الكبرى اللي بيحصل في الإداريات، النهاردة رابطة الأندية قعدت مع الأندية وقالتلهم تحبوا نلغي الهبوط؟ ما تيجي نصوت؟ فصوتوا فقرروا إلغاء الهبوط السنادي، 11 نادي من أصل 18 نادي وافقوا على إلغاء الهبوط وفي ناديين اعتذروا عن الهبوط و4 أندية أو 5 أندية اعتذروا عن الحضور".
وأضاف: "بناء على التصويت الجماعي اللي حصل من شوية في رابطة الأندية لن يهبط فرق والدوري السنة الجاية هيبقي 87 فريق حاجة لطيفة أوي".
وتابع: "آخر جملة في عبثية المشهد أن الكل يتهم الكل ومفيش حد عاجبه حاجة، الناحية دي بيقولك الأهلي بتجامل والناحية التانية الأهلاوية بيقولك الزمالك بيتجامل وبيلعب وواخد رخصة رغم أنه مديون".
وأوضح: "أمال مين اللي مبسوط ومرتاح؟ لما كله بيشتكي وكله بيتهم كله؟ الحقيقة ده دليل واحد على عبثية منظومة كرة القدم في مصر لما يبقي الكل مدايق وبيشتكي ومتبقاش فاهم اللوائح تعرف أن مفيش نظام ولما يبقي مفيش نظام يبقي أهلا بك في عالم كرة القدم في مصر".
وصوتت 10 أندية على إلغاء الهبوط في اجتماع رابطة الأندية المصرية المحترفة، الذي أقيم، الأحد، بأحد فنادق القاهرة مع رؤساء ومندوبي أندية الدوري الممتاز.
