ربيع ياسين: ليفربول طلبنى قبل صلاح ..وتركت قطر عشان المونديال (فيديو)
كشف ربيع ياسين نجم النادي الأهلي ومنتخب مصر الأسبق كواليس تلقيه عرض احترافي من نادي ليفربول الإنجليزي.
وقال ربيع ياسين خلال تواجده ضيفا مع عمر ربيع ياسين ببرنامجه "مان تو مان " عبر صفحته الرسمية: «جالي عرض رسمي من ليفربول الإنجليزي.. كان الوسيط طه إسماعيل الحكم الدولي وبلغ مسئولي الأهلي وجالي مصطفي عبده كابتن الفرقة وقالي ليفربول طلبك بالاسم».
ويضيف ربيع ياسين: «محبش اتكلم عن الأمور دي ووقتها مكنش فيه إعلام يتكلم.. أنا سبت قطر عشان منتخب مصر».
وأضاف: «الأهلي قالي في شيخ قطري عايزك بالاسم وفعلا وافقوا على رحيلي وعملت مؤتمر صحفي وروحت لعبت هناك أربع شهور وتألقت ومع ذلك رجعت عشان منتخب مصر كان عايزني في مونديال 90.. وضحيت عشان بلدي ومش بتاجر ولا بقول».
){kind=link}