كشف سيد عبد الحفيظ مدير الكرة السابق بالنادي الأهلي، عن موقفه من الترشخ في انتخابات القلعة الحمراء القادمة.
ترشح سيد عبد الحفيظ في انتخابات الأهلي
قال سيد عبد الحفيظ: “متعرفش الخير فين، وفي توقيت برضه مهم أوي إن احنا نراعيه، إن أنت بتتكلم على ماتشات ودوري والأهلي بيلعب الحاجات دي مبتتقالش حتى في التليفزيون يعني”.
وتابع عبر برنامج اللعيب: “في كبير في الأهلي لازم تراجعه، ده لو أنت بتفكر يعني ومش شرط الخير يبقى ليك أنت، يبقى خير للنادي”.
وأوضح: “اه في كبار في النادي الأهلي، في يعني لجنة حكماء وفي كبير في النادي دلوقتي كابتن الخطيب، طبعًا يعني والأصول لازم تقول كده”.
وواصل: “خلينا ننتظر لإن ربنا سبحانه وتعالى اللي بيقدر الأمور، وفي حاجات لازم تعترف بيها إن الرياضة فيها أحداث سريعة أوي، فمينفعش إن أنت تبقى حاطط حاجة وبعدين بكرة تتغير، فخلينا نشوف يعني”.
وأتم عبد الحفيظ تصريحاته: “في أصول في الأهلي مش كل حاجة حلوة ليك أنت ممكن تبقى حلوة للنادي، ممكن متبقاش كده ولازم تراعي حاجات كتير أوي يعني، لكن إيه اللي هيحصل بكرة؟ الله أعلم يعني، ولو في مصلحة النادي إني مترشحش، مش هخش”.
موعد مباراة الأهلي أمام بيراميدز في الدوري المصري الممتاز
من المقرر أن تقام مباراة الأهلي أمام بيراميدز، في اللقاء الذي سيجمع بين الفريقين، ضمن مباريات الجولة الخامسة من الدوري المصري الممتاز، يوم السبت القادم 30 أغسطس الجاري، في تمام التاسعة مساء، على استاد القاهرة.
القناة الناقلة لمباراة الأهلي أمام بيراميدز في الدوري المصري الممتاز
سوف بث لقاء الأهلي أمام بيراميدز، في اللقاء الذي سيجمع بين الفريقين، ضمن مباريات الجولة الخامسة من الدوري المصري الممتاز، عبر قناة أون تايم سبورتس 1 اتش دي.
