الثلاثاء، 26 أغسطس 2025 12:19 م 8/26/2025 12:19:46 PM
تحدث الإعلامي أحمد شوبير، عن توقعاته للمباراة القادمة للنادي الأهلي، أمام بيراميدز، ضمن مباريات الجولة الخامسة من دوري نايل.
تصريحات أحمد شوبير
قال الإعلامي أحمد شوبير: “الأهلي عنده تحدي كبير قدام بيراميدز في الماتش الجاي”.
وتابع عبر راديو أون سبورت: “هل فريق بيراميدز بعد الخسارة قدام مودرن سبورت بقى خارج المنافسة، بكل تأكيد لا”.
وواصل: “المباراة الجايه بين الأهلي وبيراميدز هقول كلمة صعبة شويه معلش، اللي هيخسر فيها فرصته في تحقيق الدوري هتبقى صعبة شوية”.
وأكمل: “بيراميدز لحد دلوقتي خاسر 7 نقاط ومكسبش غير مباراة واحدة الإسماعيلي، بالعافية ولو خسر من الأهلي هيبقى فقد في خمس مباريات 10 نقاط وموقفه صعب”.
وزاد: “وإذا خسر الأهلي هتبقى عنده أزمة عنيفة جدا جدا، وهتأكل الأخضر و اليابس في النادي والغضب قد يطول ناس كتيرة”.
وأضاف: “ده الجماهير مش مستحمله تعادل قدام غزل المحلة وبتطالب برحيل المدرب، ففي حاله الخسارة الموضوع هيبقى صعب جدا”.
أهمية مباراة الأهلي وبيراميدز
وذكر: “الدنيا مش هتبقى أحسن حاجه إذا لم يفز الأهلي على بيراميدز أو فاز بيراميدز على الأهلي، حتى لو الإتنين اتعادلوا، كل فريق محتاج الماتش”.
وأردف: “الأمر هيبقى صعب مع ريبيرو في الأهلي في حاله التعثر، وأنا شايف أن ريبيرو متسلم للجمهور للأسف، الناس اللي مفروض يدافعوا عنه مش بيدافعوا عنه”.
وأشار: “لازم الناس تدافع عن ريبيرو وتسانده، أنا مستغرب أن محدش بيسانده ومش عارف اتكلم دلوقتي، لأن في ناس هتزعل”.
وأتم أحمد شوبير حديثه: “هيجي يوم اتكلم فيه كله والله، أنا عندي حاجات كتيره جدا في يوم من الأيام هطلعها، وكيف تدار القصه وبتدار لصالح مين؟ وكده ليه؟، و على فكره بتكون بعلم من البعض وبعدم علم من البعض، معلش كلامي فيه لوغاريتمات بس حقيقي”.
