تحدث الإعلامي أحمد شوبير، عن تناول البعض الحديث عن حراس النادي الأهلي، وأحقية من يكون الحارس الأساسي للقلعة الحمراء.
تصريحات أحمد شوبير
قال أحمد شوبير: “ناس كتيرة عماله تتكلم على حراس الأهلي، والموضوع ده عامل صداع عند بعض الزملاء وبرامج وقنوات وستوديو تحليلي وحدوتة، ومين يلعب ومين ميلعبش حاجة عجيبة يعني”.
وتابع عبر برنامج حارس الأهلي: “يا سيدي في مدرب هو اللي يقرر وفي مدرب حراس، أرجوكم يعني كفاية”.
وواصل: “أنا مش عارف ايه القصة دي، حتى زملائنا بيتكلموا كأنهم مكنوش حراس هو مفيش حارس بيغلط يعني، وأي حارس بيمسك بإيده وسنانه في مكانه، والكل عايز يلعب لكن القرار للجهاز الفني”.
وأشار: “أنت ممكن تعقب على الأداء لكن لا تتصيد للحارس ولا تتبنى وجهه نظر، يقولك هو حارس المنتخب لازم يكون من الأهلي ولازم يكون معرفشي ايه”.
رسائل قوية من أحمد شوبير
وذكر: “ما انتوا كنتوا مدربين وحراس مرمى مكنشي عندكم أخطاء، أنا حاسس إني قدامي ملائكة بجد، ولا كأن حد لبس جول غلط ولا طلع اوفر غلط ما كله بيغلط، لكن دلوقتي لما حد يطلع غلط ولما حد ميمدش أيده يقولك، يا سيدي ما انت كمان غلطت قبل كده بأخطاء ساذجة، وانا كمان والكل سيبوا الناس تشتغل".
وأكمل: “هي الأخطاء لما جت عند الأهلي وقفت في زوركم، ما هي عند كل الأندية، خلاص هتقول الزمالك والأهلي الأكبر، اتكلم عن الزمالك زي ما بتتكلم على الأهلي يا أخي، ايه الموضوع ده”.
وأتم حديثه: “مفيش مشكله يلعب الشناوي هو حارس مصر الأول، وعلى العين والرأس، يلعب شوبير كل الناس بتقول حارس كويس، ولما بيلعب بيكون هايل يمكن آخر مباراة مكانش عنده توفيق في كرة، يعني لكنه حاجة جميلة وعظيمة وباذن الله يحصلهم سيحا”.
