هل تشهد مصر فقاعة عقارية؟.. نجيب ساويرس يرد

المهندس نجيب ساويرس

وجه الإعلامي سيد علي خلال برنامج "حضرة المواطن"، على قناة الحدث اليوم، سؤالا إلى رجل الأعمال نجيب ساويرس عن وجود فقاعة عقارية في مصر.

ورد ساويرس: "يعني إيه فقاعة؟ إنك تشتري شقة وتيجي تبيعها بعد ما تكون سددت 60 أو 70% من أقساطها، فتلاقي صعوبة في البيع، لأن السعر المطلوب نقدي، والمشتري عايز تقسيط. اللي بيبيع مش مطور، ده شخص عادي وبيطلب الدفع كاش".

وأوضح أن المعروض في المستقبل القريب سيكون كبيرًا جدًا، وغالبًا كله سيكون للبيع نقدًا، مما قد يؤدي إلى انخفاض في الأسعار الفعلية، مضيفًا: "معنى الفقاعة إنك مش هتقدر تبيع بالسعر اللي عايزه، لأن الطلب بقى على الشقق اللي بالتقسيط، مش الكاش".

_" title="YouTube video player" frameborder="0">

بوادر الأزمة ظهرت... ومشاكل حقيقية للمطورين

وكشف ساويرس عن ظهور بوادر فعلية لما يمكن وصفه بأزمة في السوق العقاري، قائلًا: "ناس كتير بتتعثّر في السداد، وبتطلب إنها ترجع الوحدة وتاخد فلوسها. لكن المطور بيواجه مشكلة كبيرة، لأن الفلوس دي تم استخدامها في البناء، وكمان دفع عمولات للوسطاء العقاريين. يعني حتى لو رجع له الوحدة، الفلوس راحت".

واختتم حديثه قائلًا: "المطور مش بنك، وما عندوش السيولة إنه يبني كل الشقق لو الناس بترجعها. ودي من أكبر التحديات اللي بنواجهها حاليًا في السوق".