عاجل.. رضا حامد يكشف لـ"مصر تايمز" حقيقة طرده من مسرحية "بودي جارد":"ادعاءات كاذبة"

كشف الفنان رضا حامد حقيقة الأخبار المتداولة خلال الساعات الماضية، والتي تتهمه بقيامه بفعل غير أخلاقي مع سيدة، مما جعل الزعيم عادل إمام يقوم بطرده من مسرحية بودي جارد، وذلك بعد التصريحات الأخيرة للفنان شريف أدريس.

رضا حامد يكشف حقيقة طرده من مسرحية بودي جارد

وقال رضا حامد في تصريح خاص لـ "مصر تايمز": "ده ولد حقير وكداب ومدعي ولا أعرف شكله ولا أسمة ولا أشتغل معايا، وحتى لو أشتغل ده هيكون يومين أو تلاتة ومن سنيين طويلة جدًا، فلو الكلام حقيقي وحصل ليه متقالش من زمان؟".

أضاف: "ولكن الكلام ده محصلش لأني معروف من زمان أني محترم وأما بمشي في الشارع بيقولولي أنت فنان محترم لأن الفن اللي أنا بعمله محترم".

تابع: "فميجيش ولد تافهه معرفش هو مين أو أصله أي ويحاول يبوظ جزء من تاريخي، وهو جزء بسيط مش كبير يعني.. وحسبي الله ونعمة الوكيل في هذا الإنسان المهجول التافهة".

 سبب استبعاد عادل إمام لممثل شهير من مسرحية بودي جارد

كان كشف الفنان شريف إدريس لـ أول مرة عن سبب استبعاد الزعيم عادل إمام لـ أحد الممثلين من مسرحيته الأخيرة بودي جارد، كما اثبت براءة الزعيم بعد اتهامه انه قام باستبعاده بسبب خفة دمه أكثر من الزعيم.

وكتب شريف إدريس من خلال حسابه الرسمي عبر موقع التواصل الاجتماعي "فيسبوك"، قال: "فيه ممثل زميل كبير سناً..بقاله فتره طويله جدا كل مايطلع في لقاء يقول ان الاستاذ عادل امام مشاه من مسرحية بودي جارد علشان كان بيضحك اكتر منه.. طيب لأول مره هحكي الواقعه اللي حضرها ناس كتير عايشين معانا في الدنيا".

أضاف: "في واحده من ليالي العرض الجميله الأستاذ الزميل الممثل كتب رقمه في ورقه وحدفه لواحده معجبه في الصاله اثناء تحية العرض..شافه حد من بتوع أمن المسرح وراح بلغ الأستاذ عادل إمام..تاني يوم كان استاذ عادل قبل العرض بيقعد يوميا في الاوضه اللي بقعد فيها انا وزمايلي الممثلين..بنقعد ندردش شويه قبل العرض..وفجأه الاستاذ الزميل دخل من باب المسرح ومعاه واحده غريبه وفي حاله يلا يرثي لها هما الاتنين".

تابع: "فالأستاذ عادل نده مساعده وقاله مين دي وعرف انها نفس الشخصيه اللي اتحدفلها الرقم فبعت جابه وقام معاه بالواجب..وطبعا استاذ عادل اخد موقف في لحظتها ودي كانت اخر ليلة عرض لهذا الزميل الممثل في مسرحية بودي جارد".

استكمل: "أنا اول مره احكي الواقعه بس حقيقي الوضع بقي مستفز وياريت الاستاذ الزميل الممثل يحترم سنه وعيب انه يطلع يكذب علي الناس عيب بجد.. وياريت لو سمحتم لو اي حد يعرف اسمه بلاش يذكره في التعليقات نهائي".