عاجل| "هعمل محضر عشان بتضروا صحة الناس".. لقاء ...

أصبحت  الفنانة لقاء سويدان حديث الساعة على السوشيال ميديا خلال الساعات القليلة الماضية، وتصدرت محرك البحث جوجل؛ بعد تحريرها محضرا رسميا ضد مطعم “الآغا” بحي الزمالك؛ تتهمه بتقديم طعام فاسد، الأمر الذي آثار جدلا واسعًا بين الرأي العام.

التفاصيل الكاملة لـ واقعة لقاء سويدان مع مطعم الآغا بالزمالك

وكشفت الفناة لقاء سويدان عن تفاصيل أزمتها الكاملة مع مطعم "الآغا" بحي الزمالك منذ البداية، والذي على إثرها توجهت إلى قسم الشرطة لتحرير محضر بالواقعة ضد المطعن الشهير، تتهمه بتقديم وجبات فاسدة قائلة: "الوجبة ريحتها وحشة أوي".

وأضافت "سويدان" في تصريحات خاصة لـ "مصر تايمز": "كنت بصور برنامج في التلفزيون المصري وبعدها خرجت ومروحة على بيتي فـ جوعت لأني من الصبح برا البيت، ونزلت من كوبري 15 مايو، وروحت على مطعم الآغا، لأنه في طريقي بشارع 26 يوليو، وأول ما خدت الساندوتش مشيت وبدأت آكل في العربية، ومن أول قطمة حسيت بطعم وريحة غريبة جدًا وفاستفرغت لأن الريحة كانت وحشة جدًا ومش طبيعية".

وتابعت: “بعدها رجعت لهم على المطعم عشان أشوف يتصرفوا ازاي، لكن المطعم كان غريب جدًا في ردوده معايا، وفضلوا يقولوا دا السندوتش كويس ممكن يكون ريحة التومية أو البهارات، وبحكم إني أنا ست مطبخ وعارفة الحاجة أما تكون بايظة وفيها عفونة أو غير صالحة للاستخدام”، تأكدت أنه فاسد، وكان عايزين ياخدوا السندوتش مني لكن قولتلهم لأ، واديتهم حتة منه، وخليت الباقي معايا، وهو خدها ورماها في سلة الزبالة.

واستطردت الفنانة قائلة: "قلت لهم إن السندوتشات دي ما ينفعش تأكل حد منها، وكما قلت يعني أطلع أقول للناس إن الفراخ بايظة ومحدش يأكل من الشاورما؟.. قرد علي وقال كده هتضري سمعة المكان، فقلت له وأنت كده بتضر صحة الناس، فقال لي أيه اللي يرضيكي؟ قولت له إنه يرمي السيخ البايظ ده في الزبالة، لكنه رفض، وقال إن مش هيقدر يعمل كده، فقلت له أنا هعمل محضر عشان أنت كده بتضر صحة الناس".

ومضت قائلة: "عملت إثبات حالة وصورت فيديوهين للمحل والشاورما، وروحت عملت محضر في القسم بالزمالك، وبعتوا جابوا الشيف، وبعد المحضر لقيتهم غيروا السيخ.. فكان من الأول؟.. وأنا كنت عايزاهم يرموا السيخ عشان مش بعدها يشيلوا ويحطوا للناس في السندوتشات أو في وجبات تيك أوي.. حرام".

واختتمت "سويدان": "دي مش أول مرة أجيب منهم؛ قبل كده من 3 أشهر جبت منهم تبولة ولكن كانت كويسة.. وأنا مستمرة في الإجراءات القانونية".