منة تيسير ناعية الممثل بهاء الخطيب: "أطيب وأنظف الناس اللي عرفتهم في حياتي" (صورة)

بكلمات حزينة نعت الفنانة منة تيسير الفنان الشاب بهاء الخطيب الذي توفي مساء أمس إثر سقوطه المفاجئ أثناء لعب كرة القدم.

وكتبت منة عبر صفحتها الرسمية "إنستجرام"" ايه  الوجع ده ،كده يا صاحبي تمشي  مش مصدقه مش مستوعبه لا حول ولا قوة الا بالله يااطيب وانظف الناس اللي عرفتهم ف حياتي متغلاش علي اللي خلقك ربنا يصبر اهلك الله يرحمك ياحبيبي لا حول ولا قوة الا بالله العلي العظيم مع سلامه يا صحبي".

وكشف الفنان حسام داغر سبب وفاة الممثل الشاب بهاء الخطيب، حيث كتب عبر حسابه الرسمي على موقع "فيس بوك"" ده لسه متكلمين انك تيجي تقعد معايا كام في اسكندريه و قلتلك هتحب قعدة بلكونتي علي البحر علطول و رجعت اقولك خلينا في الشتا هيبقى احلى الجو دلوقتي صيف و حر".

وأضاف" خلاص لا بقه في شتا ولا صيف ولا حاجه الناس بتمشي فجاة ازاي كده لا حول ولا قوة الا بالله دموعي منشفتش من يوم تيمور و قلبي لسه موجوع تقوم تمشي فجاه انت يعني ايه وقع و هو بيلعب كوره مات  انا عقلي هيجراله حاجه الثبات و العقل و الصبر من عندك يا رب".

وأختتم"بهاء الجميل المحترم الطيب اعرفه من وهو في مسرح الجامعه و قبل المعهد و برضه كبر قدامي و كان ناجح في كل حاجه حتي مجاله و شغله الاساسي جمب التمثيل لو اعرف انك هتمشي فجاه كنت قابلتك و مفضلناش ناجلها ليه يا ربي الطيبين المحترمين بيمشوا فجاه لا حول ولا قوة الا بالله  الصبر من عندك يا رب".

ولد بهاء الخطيب عام 1984، وتخرج في كلية الحقوق بجامعة القاهرة عام 2006، إلا أن شغفه الحقيقي بالفن دفعه للالتحاق بالمعهد العالي للفنون المسرحية قسم التمثيل والإخراج.

ولم يقتصر مشواره على التمثيل فقط، بل عمل في مجالات متعددة شملت تصميم المؤثرات البصرية وإدارة الموارد البشرية، إلى جانب مشاركته في ورش فنية هامة مع أسماء كبيرة في الوسط الفني مثل لطفي لبيب، محمود الجندي، علي بدرخان، مروة جبريل، وجوديتا سالم.