مصر عندها تحدي صعب جدًا قبل نهاية 2025: إزاي تقدر تحصل على 2.5 مليار دولار من صندوق النقد الدولي؟.. وإيه حكاية المبلغ ده؟.. وهل مصر ناوية تاخد قروض جديدة؟
الحقيقة إن الأزمة بدأت بسبب تأخر تنفيذ برنامج الطروحات الحكومية، واللي يعتبر بند أساسي في الاتفاق بين مصر وصندوق النقد.
التأخير ده كان السبب في رفض الصندوق تسليم مصر الشريحة الخامسة من قرض الـ 8 مليار دولار، واللي قيمتها 1.3 مليار دولار، رغم إن مصر حصلت على الموافقة في مارس 2024.
الصندوق قرر يأجل المراجعة الخامسة ويضمها مع السادسة.. والمتوقع إن المراجعة تحصل في أكتوبر الجاي كحد أقصى.
طيب.. إيه اللي بيحصل دلوقتي في ملف الطروحات الحكومية؟
الحكومة أعلنت إنها هتطرح عدد كبير من شركات القطاع العام للشراكة مع القطاع الخاص في البورصة السنة دي، وكمان ولأول مرة هتشمل قطاع المطارات.
البرنامج الجديد بيضم أكتر من 10 شركات، منهم:
محطة رياح جبل الزيت.
شركة الأهل الشريف للبلاستيك.
شركة مصر للصناعات الدوائية.
شركة سييد للأدوية.
نسبة من بنك الإسكندرية.
بنك المصرف المتحد.
نسبة من بنك القاهرة.
شركة وطنية.
شركة صافي (التابعة للقوات المسلحة).
شركة ساينو.
وأخيرا شركة شل أوت.
ولأول مرة، المطارات المصرية هتدخل ضمن برنامج الطروحات: البداية هتكون بمطار الغردقة خلال السنة الحالية والهدف إدخال 11 مطار في البرنامج.
الحكومة، ممثلة في مجلس الوزراء، شكلت لجنة برئاسة الدكتور حسام عيسى (عضو المجلس الاستشاري للرئيس) لمتابعة هيكلة الهيئات الاقتصادية وتسريع وتيرة الطروحات.
وفي نفس الوقت، فيه اجتماعات مكثفة مع الاستشاري الدولي اللي تم التعاقد معاه لاختيار أفضل العروض ماليًا وإداريًا بما يخدم مصلحة مصر.
ملف الطروحات مش مجرد برنامج اقتصادي، لكنه المفتاح الأساسي اللي ممكن يفتح لمصر باب الـ 2.5 مليار دولار من صندوق النقد.. والمراجعة القادمة هتكون حاسمة جدًا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
