معاهم فلوس بالكوم وعقارات وأطيان وذهب ومجوهرات محدش يعرف يعدها.. يا ترى مين اغني 5 سيدات في مصر.. ومين اللي ورا الفلوس اللي معاهم دي كلها .. وازاي السيدات دي كونت الثروة دي كلها.
زي ما في قائمة بأغني رجال اعمال علي مستوي العالم واللي منهم اسماء لامعة وفي نسبة منهم موجودين حولنا في السوق المصري، برضوا في قائمة كمان عن أغنى السيدات اللي موجودين في سوق المال والأعمال واللي الأرصدة والممتلكات اللي عندهم حطتهم لي مكانة متقدمة في مكانة اغني السيدات في مصر.
طيب مين هما أغنى 5 سيدات في مصر وآية السر وراء الثروة اللي عندهم دي كلها؟.
حتي الآن مفيش قائمة رسمية عن اغني 5 سيدات، بس بس معلومات متداولة بشكل كبير عن اغني 5 نساء في مصر واللي أسمائهم لها علاقات برجال أعمال ومشاهير سابقين وحاليين، وفي منهم اللي بيتحكم في سوق السيارات واللي بيتحكم في سوق الذهب في مصر.
المعلومات المتداولة عن أغني 5 سيدات في مصر بتتصدرهم سيدة الأعمال دينا غبور بنت رجل الأعمال رؤوف غبور وهي خريجة الجامعة الأميركية، وكملت دراسة في أمريكا وجالها وظيفة في بنك سويسرا، بس هيا رفضت تتخلى عن أبوها، وراحت اشتغلت معاه في خط الشركة بتاعته اللي في القليوبية موظفة صغيرة عشان تتعلم الشغلانة من تحت، لغاية ما كبرت في الشركة.
وبعدين راحت اتعلمت في إسبانيا وبقيت متخصصة في الدمج والاستحواذ بين الشركات ورجعت فاهمة كويس في البزنس، وبقت واحدة من أهم سيدات الأعمال في مصر، بس وفاة أمها علا غبور خلها تعلن اعتزالها البزنس عشان تركز مع بنتها، وبعد 5 سنين رجعت للبزنس تاني، وعملت شركة حالا للتكنولوجيا واللي صنفتها مجلة فوربس من أهم الشركات الناشئة، وكمان هي العضو المنتدب لشركة غبور للسيارات.
تاني اسم في قائمة اغني سيدات مصر هيا خديجة الجمال مرات جمال مبارك وبنت الملياردير محمود الجمال واتجوزت جمال والفرق بينهم 21 سنة، وكانت ممكن تبقى السيدة الأولى لمصر لولا ثورة يناير، وثروتها وصلت لـ7 جنيه عبارة عن أصول وأراضي في شرم الشيخ وأكتوبر وعقارات في مصر وفي باريس وأسطول سيارات وهي وريثة أبوها الملياردير الجمال الوحيدة.
ثالث سيدة منصفه علي انها اغني السيدات في مصر هيا فريدة خميس بنت الملياردير محمد فريد خميس ملك المنسوجات ومرات باسل الباز إمبراطور البتروكيماويات، وكانت ماسكة مجموعة النساجون الشرقيون وبقيت دراع أبوها اليمين، واشتغلت في البتروكيماويات واتعرفت علي باسل ابن مستشار مبارك أسامة الباز وطبعا عملوا دمج في البزنس، وثرواتها بتوصل لرقم ضخم من المليارات.
رابع سيدة معنا النهاردة هيا شاهيناز النجار ودي الزوجة الثانية لرجل الأعمال المعروف أحمد عز بتاع الحديد والصلب وهيا حد في غاية الجمال، واتفقت مع احمد عز علي الزواج، وكان عندنا ثروة ضخمة جدا في عدد كبير من القطاعات خصوصا قطاع السياحة، وبعد زواجها من أحمد عز توسعت في الاستثمارات في قطاعات مختلفة بالتعاون مع جوزها.
أخر سيدة معانا النهاردة وهيا عزة فهمي والملقبة بملكة المجوهرات في مصر وبدأت في حياتها في الصاغة واتخصصت في تصميم الدهب واشتغلت مساعده مع صايغ عشان تفهم السوق كويس قوي، وراحت وهي صغيرة اشتريت فضة وسيحتها وصممت شوية حلقان فضة وباعتها بضعف تمنها، وبقيت تعمل ده كتير وتكسب، وبمرور الوقت فتحت ورشة لتصنيع الحلي وتصميمه، وورشة ورا ورشة لغاية ما عملت أكبر مصنع لتصميم الحلي وبقيت ملكة سوق الدهب في مصر.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
