في سيل كبير من الاستثمارات الأجنبية بتنزل حاليا علي السوق المصري والمرة دي في مشروع من ميناء جرجوب واللي هيكون مفتاح مصر الذهبي لسلاسل الإمداد والتجارة العالمية.. ياتري اية حكاية الميناء ده.. اية الفائدة اللي هتعود منه علي الاقتصاد المصري.
في شغل كتير جدا الدولة بتعمله في ملف الموانئ بشكل عام والهدف منها هو فتح أبواب جديدة لبناء وتشغيل المناطق الصناعية في مصر، وإقامة مناطق لوجيستية تخدم قطاعات الصناعة والتجارة وبتهدف لزيادة الصادرات المصرية لكل دول العالم وتخدم خطة تحويل مصر لمركز إقليمي للتبادل التجاري، وتقرب مصر خطوة من تحقيق حلم ال 140 مليار دولار كصادرات .
التحركات الكبيرة اللي قامت بيها الحكومة لتطوير المؤاني سواء كانت مؤاني بحرية أو جافة لها اكثر من هدف أهمهم في تخفيز التجارة والصناعة والمرة دي عمليات التطوير جاية في حتة مختلفة تماما وفي ميناء ميناء جرجوب واللي خلال وقت قريب قوي هيكون مفتاح مصر الذهبي لسلاسل الإمداد والتجارة العالمية.
" title="مشروع القرن الجديد.. 30 ألف فرصة عمل ومفتاح أوروبا في يد مصر.. القصة الكاملة لميناء جرجوب" frameborder="0">
طيب اية حكاية ميناء جرجوب وازاي هيكون مفتاح مصر الذهبي لسلاسل الإمداد والتجارة العالمية ؟
في البداية لازم نعرف أن ميناء جرجوب ده موجود في قلب الساحل الشمالي الغربي، وعلي بعد 70 كيلومتر غرب مدينة مرسى مطروح، والدولة بتاهله علشان يكون بوابة مصر للإمداد والتجارة بين قارتي أوروبا وأفريقيا، بيحتوي علي ارصفه بطول 1080متر، وبغاطس طوله بيوصل ل 15 متر، وده بيتيح استقبال السفن العملاقة .
الحكومة حاليا عقدت شراكة مع تحالف من 16 شركة عالمية بنظام BOT واللي بموجبه اﻟﻘﻄﺎع اﻟﺨﺎص بيقوم ﺑﺘﺼﻤﻴﻢ وﺗﻤﻮﻳﻞ وﺗﺸﻴﻴﺪ وﺗﺸﻐﻴﻞ اﻟﻤﺸﺮوع، وبعد فترة زمنية بيتم الاتفاق عليها بيتحول لأصول في الدولة المصرية، وتكلفة عمليات التطوير في الميناء هتوصل ل 10 مليار دولار، ومصر بتملك 51٪ من المشروع.
خطة التطوير اللي بتقوم بيها الدولة مع التحالف الدولي اللي بيضم 16 شركة عالمية بتستهدف تحويل ميناء جرجوب لمدينة مكتملة بتضم منطقة صناعية وسكنية ومناطق لوجستية وفنادق عالمية ومدارس وملاعب ومراكز استشفاء، والمشروع بيمتد على مساحة هتوصل ل 54 كيلومتر مربع، وهيشكل نقطة جذب اقتصادية وسياحية في غرب مصر .
مع انتهاء عمليات التطوير في الميناء فالتوقعات بتأكد أنه هيوفر 30 ألف فرصة عمل مباشرة، وهيكون له أثر كبير في تنمية المدن الساحلية المحيطة بيه، ومكانه هيخليه الأقرب إلى أوروبا على سواحل البحر المتوسط، وده هيعزز موقعه كبوابة تجارية واقتصادية بين القارات.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
