ولاد رزق 3 تخطى مليار جنيه إيرادات.. واللي ينتجلي بـ12 مليون دولار هشيله على راسي
الخميس 14/نوفمبر/2024 – 02:52 م
أعلن الفنان أحمد عز أن فيلمه الجديد ولاد رزق 3، تخطت إيراداته حاجز الـ مليار جنيه على مستوى العالم، مما يعد رقما قياسيا وجديدا بالنسبة للأفلام المصرية.
كما أشار إلى أن إنتاج الأفلام المصرية يكلف 5 ملايين دولار، في المقابل هناك جهات تعرض عليه ضعف هذا المبلغ لإنتاج عمل جديد.
أحمد عز: اللي ينتجلي بـ12 مليون دولار استحالة أقوله لأ؟!
وقال الفنان أحمد عز على هامش ندوته في مهرجان القاهرة السينمائي، التي أقيمت منذ قليل: إنتاج الفيلم المصري بيتكلف 5 ملايين دولار، لما الاقي حد ينتجلي بـ 12 مليون دولار، هقوله لأ؟! استحالة.. كل بلاد العالم أوطاني، وأي حد هيفيدني هشيله على راسي، وولاد رزق في الأساس فيلم مصري وتخطى المليار جنيه إيرادات، وبشكر المستشار تركي آل الشيخ على دعمه وإنتاجه للفيلم.
وفي سياق آخر، كشف أحمد عز أن فيلم ولاد رزق في البداية لم يُكتب له، بل كان لنجمًا آخر، إذ قال: ولاد رزق مكنش فيلمي كان فيلم ناس تانية كان كل حد يقراه ميحبوش أو ميفهموش، وفكرة التركيبة الجماعية أنا متعود عليها من بداياتي من أيام ملاكي إسكندرية، لما جالي الفيلم حبيته جدًا ولقيت إني هعمل شخصية بعيدة عني، وأخدت الورق وروحت لحد في الأباجية، وقعدت معاه على سطح البيت وسألته بتتكلم إزاي، عشان أوصل لمخارج ألفاظ شخصية رضا، كان لازم أدرس الشخصية وأشوف حد بيتكلم في الشارع بالطريقة دي.
وأضاف أحمد عز: كنت بروح عين الصيرة والناس هناك كانوا في منتهى الكرم وبيفتحولي بيتهم، بقيت لما باجي أقدم رضا في كل الأجزاء أول ما ألبس لبس الشخصية اللسان يتعوج وأتكلم زيه.
