قصة 3 قرارات نارية داخل الزمالك قبل السوبر الأفريقي.. ماذا يحدث؟
قال حسام المندوه امين صندوق نادي الزمالك في تصريحات تليفزيونية:
عرض نيوم لزيزو كان اكتر من ٥ مليون دولار و لكن مصلحة النادي ان زيزو يكمل و ده القرار اللي خدناه احنا و زيزو .
تابع: هنقعد مع زيزو للتجديد في القترة اللي جاية بس نركز في ماتش يوم ٢٧ الاول و بعدها نقعد و نتكلم نعدي بس الفترة دي .
أضاف: استلمنا الزمالك من ١٠ شهور و عليه ديون ٢ مليار و ٥٠٠ مليون لهيئات مختلفة سيادية ، التأمنيات ، الضرايب ، الاتحادات ، الفرق الرياضية ، قريق الكورة ، قضايا الفيفا ، ارض اكتوبر .
استطرد: في ال ١٠ شهور منذ تولي المجلس قدر انه يصرف مليار و ٢٠٠ مليون ، ٢٠٠ مليون منهم قروض من البنوك و الباقي من محبين النادي ، و الرعاه ، الإشتراكات .
واصل: الزمالك استلم من كهربا الغرامة بشيك مقبول الدفع بقيمة ٦٩ مليون جنيه و شيك اخر ب ٧ مليون جنيه .
وقال أيضا: كل المحبين من النادي الأهلي كان ليهم دور في حل ازمة كهربا .
أردف: قضية كهربا ابتدت في ٢٠١٩ و انتهت في ٢٠٢٤ بقيادة حسين لبيب .
أسهب: ممدوح عباس لا يتدخل إطلاقاً في قرارات مجلس الإدارة ، ممدوع عباس محب للنادي و داعم لمجلس الإدارة و لكن كل قرارات النادي تطلق من غرفة محلس الإدارة فقط .
واصل: في ناس بتكلم اللي بنتعامل معاهم برة عشان يخوفوهم مننا ، الموضوع مش بوبيندزا ، احنا اتقالنا نفس الكلام من سبورتنج لسبونة وقت المفاوضات معاهم ، الناس كان بيوصلها رسايل و كلام يخوفهم من التعامل معانا و ده اللي خلي الناس متقعدش تتكلم معانا في الاول .
واختتم حديثه قائلا: في شهر ١٠ الزمالك هيصدر عليه عقوبة وقف قيد مرة اخري .. ده بشكل مؤكد
