“نشوى” صممت عروسة المولد بملاية لف ومنديل بأوية وأخرى بملابس فرعونية

تصدرت أخبار عدة محرك البحث خلال الساعات الماضية، ويرصد «يلا فور تريند»
“نشوى” صممت عروسة المولد بملاية لف ومنديل بأوية وأخرى بملابس فرعونية
وفيما يلي التفاصيل:

عشقت الدمية بتصميماتها المختلفة وتسريحاتها، ولذلك فكرت أن تتجه إلى تصميم “عروسة مولد النبى”، ولكن ليس بشكلها التقليدي المعتاد، بل فضلت أن تضيف لها لمساتها الفنية المميزة، فصممت عروسة المولد النبوى بزى الملاية اللف وأخرى بزى فرعونى وغيرها بفساتين سهرة أنيقة.

تحدثت نشوي مختار دويدار، وهى أم لثلاثة أطفال، عن اتجاهها لتصميم عروس مولد النبوى، حيث قالت لـ” يلا فور تريند”:” انفصلت عن زوجى من أكتر من 12 سنة، وحبيت أشتغل في عرايس المولد لزيادة دخلى والحمد لله بقيت أقدر أسوق شغلى وبقالى أكتر من 5 سنين بعمل عرايس”.

وتابعت :” الحكاية ابتدت لما كنت بعمل عرايس المولد لبنوتة يتيمة بهدف إنى أفرحها وناس كتير شافوها وقالولى ليه ما تعمليش كذا عروسة وتبيعها،  وفعلا ً بدأت أشتري خامات علي قد عروستين تلاتة وبدأت أعرضها عند واحد بيبع حلويات المولد ولقيتها اتباعت والحمد لله طلب تاني وبدأت اشتغل وأصور واعرض علي صفحاتى على مواقع التواصل الإجتماعى، وناس كتير طلبت منى عرايس والحمد لله حالياً قدرت اشتغل كميات بس قليلة ودى من الصعوبات اللى كانت بتقابلنى”.

 وعن الصعوبات التي تقابل نشوى في عملها، قالت :” المكان عندي صغير  دي أكتر حاجه بتسبب صعوبة ليا في الشغل، وبتخيلنى اشترى كميات قليلة، غير طبعاً الخامات مش متوفرة وبضطر أدور عليها والحمد لله ماشي الحال  لأنى بدأت اشتغل مش بس عروسة المولد بقيت بعمل عروسة التخرج ورمضان والعيد وماكيت عربيات الفول والمسحراتي وكل الديكورات الخاصة بجميع المناسبات”.

استطاعت نشوى أن تعبر من خلال تصميمها لعروس المولد عن التراث الشعبى المصرى والزى النسائى بختلف العصور، فصممت عروس بملابس فرعونية وأخرى بدوية وأخرى بملاية لف.

وعن أمنيتها التي تسعى لتحقيقها، قالت نشوى:”كتير لما بخلص عروسة بكون عايزة أعمل حاجة أفضل من كده عشان كده بحاول أطور من نفسى كل يوم عشان أعمل أحلى حاجة “.