خلاص الحكومة وصلت لخط النهاية في زيادات أسعار البنزين والسولار.. يا ترى أمتي الحكومة هتوقف زيادات أسعار المواد البترولية.. وامتي الحكومة هتعلن عن زيادات جديدة في أسعار البنزين والسولار.
الشارع المصري حاليا كل مترقب الزيادات اللي هتحصل في أسعار المواد البترولية خصوصا أسعار البنزين والسولار خصوصا أن في ناس كتيرة قالت أن الزيادات في الأسعار المرة دي هتكون شديدة شوية بسبب التغيرات الكبيرة اللي حصلت في أسعار الطاقة في مصر، ده غير إستمرار وتيرة التوترات الجيوسياسية والاقتصادية العالمية، ده غير التغيرات اللي حصلت ومستمرة في أسعار الصرف.
طيب امتي الدولة هتعلن عن الزيادات الجديدة في أسعار البنزين والسولار ؟.
الحكومة في شهر ابريل اللي فاتت اعتمد اخر زيارة لأسعار المواد البترولية واللي كان معاه رفع الدعم بالكامل عن بنزين 95 بشكل كامل، لكن بنزين 92 و80 والسولار حتي الآن لسه مدعومين من الدولة المصرية، وكانت خطة الدولة في الوقت اللي فات إنعقاد لجنة تسعير المواد البترولية كل 3 شهور لمراجعة أسعار المواد البترولية في مصر، وكانت الأسعار اللي بتقرها اللجنة بتكون بناء علي التوجيهات العالمية لأسعار الطاقة واسعار الصرف، وكانت قرارات اللجنة محصورة ما بين زيادة أسعار المواد البترولية أو تثبيت أسعار المواد البترولية عمره ما كان فيه اي خفض للأسعار.
في الأوقات اللي فاتت واللي لجنة تسعير المواد البترولية كانت أغلب القرارات الزيادات اللي كانت بتحصل كانت متعلقة بأسعار البنزين وأنبوبة البوتاجاز وفي مرات قليلة جدا كان بيتم زيادة اسعار السولار، واللي هو بيعد الأكثر حصول الي الدعم من الحكومة خصوصا بسبب دخوله في أغلب الصناعات وحركة التجارة النقل والزراعة، والسولار بالذات بيمس الطبقات المتوسطة والفقيرة بشكل مباشر وهو الوقود الأساسي لوسائل النقل العامة زي الميكروباصات وعربيات الشحن والمعدات الزراعية، وفي حالة زيادة سعره كانت بتحصل زيادات في كل الأسعار وبتحصل معاها موجة تضخم كبيرة في أسعار السلع والخدمات.
اخر القرارات اللي خرجت عن لجنة تسعير المواد البترولية كان بزيادة أسعار البنزين والسولار واللي كانت في شهر ابريل اللي فات وبدانا العمل بها يوم 11 من نفس الشهر، ووصل معاها سعر بنزين 95 الي 19 جنيه للتر وبنزين 92 وصل سعره ل17.25 جنيه للتر وبنزين 80 وصل سعره 15.75 جنيه للتر والسولار وصل سعره ب15.5 جنيه للتر، ةالكيروسين وصل سعره ل15.5 جنيه للتر، وأنبوبة البوتاجاز المنزلي اللي وزنها 12.5 كجم وصل سعرها ل200 جنيه وانبوبة البوتاجاز التجاري وصل سعرها ل 400 جنيه، ووقتها الحكومة أعلنت أنه مفيش اي زيادات جديدة هتحصل في أسعار البنزين والسولار الي بعد مرور 6 اشهر وبمعني اصح الزيادات الجديدة هتكون في شهر أكتوبر اللي جاي .
طيب اية اللي هيحصل في اجتماع لجنة تسعير المواد البترولية اللي هتكون في شهر أكتوبر اللي جاي ؟..
كل التوقعات يتأكد أن لجنة تسعير المواد البترولية هتقر في اجتماعه الجديد زيادات جديدة في أسعار البنزين والسولار وهتتراوح ما بين 15 إلى 20 في المائة وفقا لآخر تسعير أقرته اللجنة ومع الزيادات الجديدة هتكون معاها رفع الدعم بشكل كامل عن أسعار المواد البترولية خصوصا أسعار البنزين ولكن السولار هيفضل مدعوم بنسبة أقل بكتير من الدعم الحكومي اللي كان مخصص في السنين اللي فاتت.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
