مصر هتفتح باب جديد من تصدير كهرباء بالدولار لأفريقيا.. ياتري ده هيحصل ازاي .. وآية مستهدفات الحكومة من تصدير الكهرباء.. ومين الدول اللي هنصدر لها كهرباء.
الفترة الحالية مفيش كلام غير علي زيادة الإيرادات من كل القطاعات وده توجه الدولة كلها شغالة عليه واحد من القطاعات اللي عليها عبئ كبير في توفير مصدر دولاري لمصر من الخارج هيا الكهرباء واللي هتبدا خلال الفترة اللي جاية يكون لها دور مهم ومحوري في توفير إيرادات في الناتج القومي المصري.
الفترة اللي فاتت الحكومة عملت عدد كبير من خط ط الكهرباء مع عدد من دول العالم في أهم 3 قارات وهما قارة أوروبا وآسيا وأفريقيا، واحدة من القارات اللي هيكون عليها كلام كبير جدا في صادرات الكهرباء هيا اقارة أفريقيا واللي اغلب دولها محتاجة لبنية تحتية وتيار كهربائي لعمليات الإنارة والتشغيل خصوصا أن اغلب دول قارة أفريقيا متأخرا جدا في توفير احتياجات شعوبها لأسباب كتيرة جدا ، وأغلب دول القارة بتعاني معاناة شديدة جدا وبالتالي السوق الافريقي بيعد سوق واعد جدا لكل الصادرات.
طيب إزاي الحكومة هتصدر الكهرباء لدول أفريقيا ؟
خلال الفتره اللي فاتت الحكومة عملت خطين لنقل الكهرباء مع ليبيا والسودان وده الدول اللي لنا حدود معاهم لدول أفريقيا، والهدف من الخط الكهربائي اللي موجود مع دولة ليبيا هو نقل الكهرباء لدولة ليبيا والخطة المستقبلية نقل الكهرباء لدول شمال افريقيا عن طريق خطوط النقل اللي هتكون موجودة واللي هيتم مدها من دولة للتانية وهيتم توقيه الشبكة لاستيعاب القدرات الكهربائية اللي هيتم اضافتها.
الخط الكهربائي اللي الحكومة عملته مع السودان بيتم نت خلاله نقل الكهرباء الي السودان حاليا والخطة المستقبلية له أنه يتم استخدامه لنقل الكهرباء الي دول جنوب افريقيا وبالتالي هتكون الدولة قدرت تسيطر من خطوط كهرباء علي قارة إفريقيا بالكامل وهتقضي علي الأفكار اللي بتستعد دولة اثيوبيا لتنفيذها بتصدير الكهرباء لدول القارة السمراء.
الحكومة في الفترة دي بتحاول تزود كهرباء من خلال الاعتماد علي مصادر الطاقة الجديدة والمتجددة من خلال الاعتماد علي طاقات الشمس والرياح واللي قدرنا نتنح منهم أكثر من 2000 ميجاوات خلال الفترة اللي فاتت وفي 500 ميجاوات كمان هيتم اضافتهم في الفترة اللي جاية من طاقة الرياح، ده غير الانتاج اللي هيتم اضافته من الطاقة النووية واللي هنبدا الإنتاج الفعلي منهم في 2028 بانتاج 1200 ميجاوات من اول مفاعل نووي هيتم تشغيله وهنوصل بإجمالي الإنتاج من محطات الطاقة النووية ل 4800 ميجاوات واللي بتشغيلهم هيضفوا نسبة كبيرة من الإنتاج الفعلي للتيار الكهربائي علي الشبكة الموحدة للكهرباء.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
