يا ترى ليه مصر مهتمة جدا بالاستثمار في إفريقيا دلوقتي بالذات، وإزاي بنجهز نفسنا عشان نبقى بوابة الاستثمار في إفريقيا؟
دلوقتي، في لحظة العالم كله بيدور فيها على فرص نمو حقيقية، مصر شايفة إن إفريقيا هي الأرض الخصبة للاستثمار، لانها بتضم 2 مليار نسمة وراضي زراعية شاسعة وكمان ثروات معدنية ضخمة، ده غير الطاقة البشرية اللي لسه ما استغلتش بالكامل لحد دلوقتي.
والكلام ده معناه، أن السوق موجود والفرص كمان مناحة، بس السؤال إحنا بنستعد إزاي؟
أول خطوة، هي إن مصر بقت بوابة إفريقيا، ودع بسبب موقعنا الاستراتيجي اللي بيجمع بين شمال القارة وجنوبها، وبعلاقاتنا التاريخية والسياسية القوية مع دول زي السودان، كينيا ونيجيريا وغيرهم، عشان كده مصر بقت جاهزة تكون مركز انطلاق لأي مستثمر عايز يدخل السوق الإفريقي.
تاني خطوة، هي التصنيع المشترك، فدوقتي القيادة السياسية مركزة جدا على التصنيع المشترك مع الدول الإفريقية، عشان الدول دي عندها خامات، ومصر عندها البنية التحتية والخبرة الصناعية، يعني بنكمل بعض، وده معناه فرص تصدير أكتر وكمان تشغيل أكتر ودخل عملة صعبة أكبر.
تالت خطوة، هي المناطق اللوجستية والتجارية، وده لان مصر بتجهز لمناطق لوجستية في دول زي أوغندا وكينيا وتنزانيا، عشان منتجاتنا توصل أسرع وأرخص، وفي نفس الوقت نقدر نوزع سلع إفريقية لباقي العالم عن طريق مواني بورسعيد والعين السخنة والإسكندرية.
رابع خطوة، هي دعم الاستثمار المصري في إفريقيا، ودلوقتي في دعم رسمي وتشجيع من الحكومة إن الشركات المصرية تفتح فروع أو مصانع في إفريقيا، يعني بدل ما نصدر بس، نقدر كمان ننتج هناك ونكسب من السوق المحلي.
طب الكلام ده يفيدنا بإيه؟
طبعا، هيزود التصدير ويقلل عجز الميزان التجاري، وكمان هيخلق فرص شغل جديدة للمصريين وللشباب الإفريقي، وده بجانب انه هيرفع احتياطي مصر من العملة الصعبة، وكمان هيخلي لمصر صوت اقتصادي وتأثير سياسي أقوى في القارة كلها.
والخلاصة، هي ان دول افريقيا مش بس جيران لينا، ذي شراكة مستقبلية كبيرة ممكن تغير شكل الاقتصاد المصري تماما، ومن هنا مصر ماشية في الطريق الصح عشان تكون بوابة الاستثمار الإفريقي في مجالات زي الصناعة والزراعة والتكنولوجيا، والبنية التحتية وغيرها.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
