تخيل كده.. وأنت ماشي على سواحل البحر الأبيض في رأس الحكمة، فجأة تلاقي قدامك مبنى ضخم، تحفة معمارية حقيقية، بيشبه واحد من عجائب الدنيا السبع.. هل يا ترى مصر ناوية تغير خريطة العالم؟.. وهل هيعمل نقلة حضارية وسياحية في مصر؟
ايوه، احنا بنتكلم عن فنار رأس الحكمة، واللي هيتعمل علشان يُحاكي فنار الإسكندرية القديم.. بس ده كله ليه؟
في إطار مشروع رأس الحكمة الجديدة، مصر بتعمل نقلة حضارية وسياحية غير مسبوقة على سواحلها الشمالية، ومن ضمن المعالم الأسطورية اللي هتتعمل هناك، هو فنار ضخم مستوحى من فنار الإسكندرية اللي كان من أعظم المباني في التاريخ.
فنار الإسكندرية كان زمان بيهدي السفن من آلاف الكيلوهات، وكان فخر للعلم والمعمار، ودلوقتي مصر راجعة تحيي المجد ده تاني، بس بشكل عصري، هندسة حديثة، وتصميم مبهر يحترم التاريخ وفي نفس الوقت يواكب المستقبل.
" title="إحياء روح العجائب السبع فنار رأس الحكمة يغير خريطة مصر" frameborder="0">
الفنار الجديد مش مجرد مبنى شكله حلو، ده رمز حضاري وثقافي، وهيكون نقطة جذب سياحي ضخمة، وممكن يتعمل فيه متحف أو مركز تفاعلي يحكي قصة فنار الإسكندرية القديم، وازاي اتبنى، وازاي كان بيشتغل، وهيكون علامة معمارية بتبين قد إيه مصر بترجع تبني مجدها بذكاء وجمال، وغير كل ده هيكون مزار سياحي هيدخل عملة صعبة كتير لمصر.
طب إيه الهدف من المشروع ده؟
المشروع ده مش معمول كده وخلاص، ده جزء من رؤية ضخمة لتطوير رأس الحكمة وتحويلها لمدينة عالمية، بشراكة مع الشركات العالمية الكبيرة، والبداية كانت بالتخطيط لبنية تحتية على أعلى مستوى، وطرق، ومواني، وأبراج، ومناطق ترفيهية.
فنار رأس الحكمة هيكون زي ما بيقولوا "الأيقونة" بتاعة المدينة دي، حاجة تفضل في الصور والذكريات، وتشد السياحة من كل حتة في العالم، ودي رسالة واضحة، أن مصر مش بس بتبني مدن، دي بتعيد كتابة التاريخ، وبتقول للعالم: احنا ورثة حضارة عمرها آلاف السنين… ولسه بنبدع لحد النهاردة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
