تخيل معايا كده، جبال كاملة جواها دهب!، مش فيلم ولا خيال، ده اللي بيحصل فعلا دلوقي في مصر، واللي بدأت تدور بجد عن جبال الدهب في الصحراء الشرقية.. بس يا ترى مصر هتعمل إيه لو فعلا اكتشفت الجبال دي؟.. وإزاي الثروة الذهبية دي هتغير حياة كل مصر؟
مصر بتنبش عن جبال الدهب، دي كأنها حكايات زمان عن الكنوز المدفونة، لكن الموضوع طلع حقيقة وطلع شغل أجهزة وتنقيب ومعدات حديثة، وشركات مصرية وأجنبية شغالة على أعلى مستوى، بعد ما خططت شركة "شلاتين للثروة المعدنية" المصرية لطرح مزايدة عالمية للتنقيب عن الدهب في شهر يوليو الجاري، واللي بتشمل "البرامية" وعنود" وفاطيري" في الصحراء الشرقية.
والمفاجأة بقى، أن مصر بتسهل أو بتخفف الشروط الفنية للشركات اللي عاوزه تشارك في التنقيب عن الدهب، وده من حيث سنوات الخبرة واحتياطيات الذهب المطلوبة.
" title="ثروة جديدة.. مصر تنبش عن جبال الدهب" frameborder="0">
طب إيه الشروط عشان الشركات دي تدخل تنقيب عن الدهب؟
كراسة شروط المزايدة اللي فاتت، كانت اشترطت على الشركات أنها تكون عندها خبرة متقلش عن 10 سنوات في استكشاف واستغلال مناطق التعدين المرخصة، وأن يكون فريق العمل فيها اكتسب خبرات تراكمية تزيد على 100 عام في هذا المجال، كمان اشترطت أن احتياطي الدهب في الشركة المتقدمة ميقلش عن 10 ملايين أونصة، وأن يتجاوز معدل إنتاجها السنوي 500 ألف أونصة.
مش بس وكده، الأماكن اللي مص بتدور فيها، فيها احتياطيات دهب واعدة جدًا، واللي لقيناه لحد دلوقتي مجرد بداية، طب السؤال هنا، مصر هتستفيد إزاي من ده؟.. أول حاجة هيخلي عندنا إنتاج ضخم من الدهب، مش بس من منجم السكري، لا من كذا موقع تاني، وده معناه أن فيه عملة صعبة داخلة البلد والصادرات بتزيد واحتياطي البنك المركزي من الدهب يعلى، ده غير أنه هيوفر فرص عمل، من أول العمال العاديين لحد المهندسين والفنيين.
جبال الدهب دي كمان، هتنعش قطاع الصناعات التعدينية، اللي بقى عليه تركيز كبير في الفترة الأخيرة، وممكن يخلي مصر مركز إقليمي في مجال التعدين، وده عشان الدولة بتحط نظام جديد للرقابة والتعاقدات، يعني أي شركة بتشتغل لازم تلتزم بحقوق مصر ومافيش استغلال.
واللي ميعرفش، أن إنتاج مصر من الدهب أكتر من 15.8 طن سنويا، وأغلبه من منجم السكري في الصحراء الشرقية، ده غير منجمي "حمش" و"إيقات".
الخلاصة، أن الدهب ده مش بس معدن، ده ثروة قومية، ومفتاح جديد لمستقبل اقتصادي أقوى.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
