مصر كانت في انتظار قرار من صندوق النقد الدولي باعتماد صرف 1.3 مليار دولار.. لكن الاعتماد ده حتي الأن متمش.. ياتري اية سر التاخر ده.. وهل الحكومة ممكن تاخذ اجراءات اكثر صعوبة علي المواطنين لتسريع اعتماد الصرف.
مصر علي مدار الايام اللي فاتت كان عندها زيارة مهمة جدا لوفد صندوق النقد الدولي واللي جاي بيراجع علي الاجراءات اللي اخذتها مصر لاعتماد صرف الشريحة الخامسة واللي بتوصل فيمتها لـ1.3 مليار دولار وده ضمن قرض الـ8 مليار دولار اللي مصر حصلت علي موافقته في مارس 2024، وصرفت منه 4 شرائح فاتوا كان أخرهم الشريحة الرابعة اللي مصر حصلت عليها واللي وصلت قيمتها 1.2 مليار دولار، واللي الحكومة بذلت فيها مجهودات مضاعفة مع الصندوق لتعديل شروط الصرف.
الفترة اللي فاتت وتحديدا وقت المراجعة الرابعة لوفد صندوق النقد الدولي علي مصر، القيادة السياسية وجهت الحكومة للتفاوض مع صندوق النقد الدولي لتعديل شروط صرف الشرائح خصوصا أن مصر بتمر بتحديات اقتصادية صعبة فرصتها الظروف والتوترات الجيوسياسية اللي بتحصل في منطقة الشرق الأوسط، والقيادة السياسية كانت شايفة أنه في حالة تطبيق الشروط اللي وافقت عليها الحكومة مع الصندوق فده هيترتب عليه اعباء اقتصادية كبيرة علي المواطنين، وده اللي الحكومة رفضت تعمله، خصوصا أن الحكومة اثبتت أكثر من مرة أنها في صف المواطن خصوصا الفئات محدودة الدخل .
التكليفات الرئاسية الحكومة نقلتها لوفد صندوق النقد الدولي، والحكومة طالبت بتأجيل تنفيذ بعض الشروط واللي كانت كلها خاصة برفع الدعم عن الخدمات اللي بتقدمها الحكومة للمواطنين، وبعد مارثون طويل من المفاوضات والمناقشات الصندوق اعتمد الشريحة الرابعة لقرض الـ8 مليار دولار وصرفتها الحكومة.
بعد ما مصر حصلت علي الشريحة الرابعة، الحكومة أخذت خطوة جديدة لرفع الدعم وقررت تحريك اسعار المواد البترولية، وده كخطوة من خطوات تحرير اسعار الطاقة في مصر، وحاليا احنا بصدد إعلان تحريك جديد لاسعار شرائح الكهرباء، وده بيتزامن مع الزيارة الأخيرة اللي قام بيها وفد الصندوق لمصر لمراجعة اجراءات الحكومة لصرف الشريحة الخامسة واللي تاخرت جدا عن ميعادها صرفها، وده بسبب تاخر الحكومة في تنفيذ بعض بنود الاتفاقات واللي كلها برضوا متعلقة برفع الدعم، وحتي الأن مفيش اي معياد واضح ومحدد لصرفها.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
