زي ما قالوا زمان، العفي محدش يقدر ياكل لقمته، ومصر طول عمرها قوية، وبقت قوة اقتصادية محدش يقدر يستهان بيها، بس يا ترى هتسيطر على العالم إزاي؟.. وهل الاقتصاد المصري هيكون القوة الضاربة لمصر عشان تسيطر على كل أزماتها؟..
مصر بقت قوة اقتصادية وده من خلال مجموعة من العوامل المتشابكة، واللي من ضمنها الإصلاحات الاقتصادية، ده غير الاستثمار في البنية التحتية، وتنوع مصادر الدخل، كمان مصر بقت عارفة قيمة نفسها وبقت تستغل موقعها الاستراتيجية.
بس إيه العوامل القوية في الاقتصاد المصري؟
الاصلاحات الاقتصادية اللي مصر بتعملها هتخليها على الطريق الصحيح، وده بعد الخطوات الجادة اللي عملتها في مجال الإصلاحات الهيكلية، زي تحرير سعر الصرف وخفض الدعم وجذب الاستثمار الأجنبي.
مصر موقفتش لحد هنا عشان تقوي اقتصادها، دي استثمرت مليارات الدولارات في تطوير البنية التحتية في كل القطاعات، واللي أبرزها الطرق والمواني والشبكات الكهربائية، وده اللي حسن بيئة العمل وزيادة الإنتاجية.
طب مصر بتعمل إيه عشان توفر العملة الصعبة؟
اللي بيميز مصر طول عمرها، أنها بتنوع مصادر الدخل، وده اللي دايما بتسعى ليه،وده بعيدتا عن قطاعات محددة، زي مثل اعتمادنا بشكل كبير على السياحة، ده غير تحويلات المصريين بالخارج وكذلك البترول، مش بس وكده، ده مصر بقت تزود تدفق الاستثمارات الأجنبية المباشرة وده اللي بقى يعكس ثقة المستثمرين في الاقتصاد المصري.
هل موقع مصر الاستراتيجي ليه دولار في تقوية الاقتصاد؟
موقع مصر الاستراتيجي من أحد الأسباب المهمة اللي مخلية مصر مسيطرة أي حاجة بتحصل من حواليها، زي التوترات الجيوسياسية، وزي اللي حصل بين إيران وإسرائيل، كمان مصر بتعتبر جسر بين آسيا وإفريقيا وأوروبا ودي ميزة تنافسية كبيرة في مجال التجارة والنقل والخدمات الوجستية، ده غير قطاع الطاقة من بترول وغاز وطاقة متجددة، واللي بقوا محور أساسي في تعزيز الاقتصاد المصري، لأن مصر بتسعى طول الوقت أنها تكون مركز إقليمي للطاقة.
كمان مصر بتولي اهتمام كبير جدا في قطاع المشروعات الصغيرة والمتوسطة، وده اللي بيخليها تعزز من قدرتها على المنافسة في الأسواق المحلية والدولية، ده غير أن مصر بتتبنى استارتيجية التحول الرقمي في مختلف القطاعات، وده بيساهم في تحسين الكفاءة وزيادة الإنتاجية، وده في الآخر بيصب في مصلحة المواطنين وتوفير فرص عمل، ده غير أنه بيساعد على تحسين مستوى المعيشة والحد من الفقر.
هل مصر متكاملة إقليميًا؟
مصر بتسعى دايما أنها تعزز التجارة الدولية وتوسيع قاعدة الصادرات، وبتحاول بكل الطرق، أنها تعزز التكامل الاقتصاديمع الدول المجاورة، وخاصة اللي في إفريقيا.
الخلاصة.. أن مصر بتتحرك في كل الطرق عشان تكون قوة اقتصادية، وده اللي بتعمله من خلال البنية التحتية، والطاقة والتصنيع والمشروعات القومية الكبرى، ده غير تنويع مصادر الدخل اللي بقت توفر الدولار بشكل مستمر.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
