عمرك دخلت تشتري حاجة ولقيت حسابك فاضي؟ جالك إشعار بسحب فلوس من بطاقتك وانت حتى ما ما طلعتهاش من محفظتك.. لو حصل معاك اي موقف زي كده يبقى لازم تسمع الكلام ده للآخر عشان بطاقة الائتمان بتاعتك ممكن تكون في خطر.
أول حاجة ما تصورش الكارت وتبعته لحد على واتساب أو ماسنجر… حتى لو صاحبك.. كل اللي محتاجه النصاب رقم الكارت والتاريخ والكود اللي ورا وبعدها وسلملي على فلوسك.
تاني حاجة.. ما تستخدمش بطاقتك على مواقع مش معروفة أو الروابط اللي بتجيلك فجأة خصوصاً اللي شكلها غريب… ده ممكن يكون فخ.
لو حد كلمك وقالك "إحنا من البنك وعايزين نأكد بياناتك"… اقفل السكة فوراً.. مفيش بنك بيطلب منك كود أو بيانات على التليفون.
وخلي بالك.. لما تسحب فلوس من ATM،. غطي إيدك وإنت بتكتب الرقم السري… فيه كاميرات صغيرة ممكن تبقى مترصدة ليك.
وأهم حاجة.. فعّل إشعارات المعاملات عشان تعرف أول ما يحصل أي حركة مريبة.
بطاقتك الائتمانية مش مجرد كارت… دي مفتاح فلوسك..احميها كأنك بتحمي شنطة فيها كل اللي معاك وخد بالك… النصابين مابيستنوش.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
