خالد الغندور غاضبا: موقف زيزو مليء بالتضليل وتعامله مع الأزمة غير نزيه

وجّه الإعلامي الرياضي خالد الغندور رسالة شديدة اللهجة، عبّر فيها عن غضبه من التصريحات الأخيرة التي أدلى بها أحمد سيد زيزو، لاعب الأهلي الجديد، خلال ظهوره في برنامج تلفزيوني مع الإعلامي إبراهيم فايق.

وتحدث الغندور، من خلال فيديو نشره على صفحته الشخصية بموقع التواصل الاجتماعي فيسبوك، قائلا: "زيزو نفسه كان بيكذب على الناس كلها، كتب تويتة بيقول فيها: (اللي عنده عقد ليا يطلعه، واللي عنده إمضاء يورّيه) يعني إيه؟ ما هو اللي عنده إمضاء ليك هو النادي الأهلي، أكيد مش هيطلعه في وقتها علشان الصفقة تمشي في سِكّتها!"

واستكمل الغندور هجومه موضحا: "زيزو اشتغل الناس كلها، وقال لهم إنه رايح أمريكا علشان يستخرج تأشيرة سياحية، وإن زوجته هتولد هناك، الجمهور الأهلاوي طبعًا مش هيهتم أو يراجع التفاصيل دي، بس هو فعليًا كان بيخطط لحاجة تانية، وكان بيستغل الكلام ده كغطاء".

وأضاف الغندور أن زيزو لم يقتصر على تضليل الجماهير فقط، بل خدع المسؤولين في الزمالك أيضا، حيث قال: "زيزو كان بيضحك على عمرو الجنايني، وعلى مجلس الإدارة كله، بيقولهم أنا مش ماضي، واللي معاه عقد يطلعه، وفعلاً، عمرو الجنايني كلمنا كإعلاميين، وكتب على صفحته (أي حد معاه عقد زيزو، يطلعه) بس اتضح في النهاية إن زيزو ضحك علينا كلنا".

واختتم الغندور الفيديو بنبرة استياء واضحة، مؤكدا أن ما فعله زيزو لم يكن مجرد انتقال لاعب، بل موقف مليء بالتضليل، مشيرا إلى أن طريقة تعامل زيزو مع الأزمة كانت غير نزيهة، سواء مع النادي أو الجماهير أو الإعلام.