سيحترمه كل بيت عربي.. محمد سامي يفاجئ الجمهور بأول أعماله بعد تراجعه عن قرار الاعتزال

المخرج محمد سامي

فجر المخرج محمد سامي مفاجأة من العيار الثقيل لجمهوره، وذلك بعد عدة أشهر من إعلانه الاعتزال.

وقال محمد سامي عبر حسابه على فيسبوك: "بسم الله، بكتب مسلسل جديد، سيكون بأمر الله الأهم في مسيرتي الفنية والأعلى مشاهدة وجدل، حكاية جديدة لم يتم تناولها من قبل في أي عمل فني سواء عالمي أو محلي".

وأضاف: "هصور إمتي ومين الأبطال وهينزل إمتى!!، كل ده معرفهوش لسه ولا في بالي، اللي أعرفه أنه سيكون أرقى وأميز أعمالي، وسيكون عمل يحترمه ويقدره كل بيت عربي، ادعولي يخلص بنفس القوة اللي بدأ معايا بيها".

وتابع: "اللي مفرحني في العمل ده، إني كنت بحاول ألاقي معادلة صعبة جدا بالنسبة لى وهي إزاي العمل الجماهيري النهاردة بمتطلبات السوق يكون فني بحت زي أعمال كتير إتقدمت زمان من أساتذتنا، وإزاي أقدر أخد موضوع يهم المجتمع لقوة الجذب اللي اعتادها الجمهور العربي مني، وماتبقاش مشاهداته محدودة أو نخبوي، مع احترامي لمحبي الأعمال النخبوية، وإزاي أغير تماما عن كل حاجة قدمتها وأعمل بنصيحة الأستاذ طارق الشناوي، وهي التغيير قبل تشبع الجمهور، والحمد لله لقيت ده في مشروعي الجديد، الله الموفق ويكمل إن شاء الله على خير".