نحن نعيش فى عصر الحرية والتعبير عن الرأى فى مصر ام الدنيا والدعم الدائم لحرية الرأى.. من عزيز مصر.. نحن نعبر فى حب ام الدنيا ودون تكدير او تنبيه او مضايقات.. نحن نحب ام الدنيا ونتحدث من أجلها وحبا فيها.. كلام الناس بالشارع قد يكون روعة وفى الصالح العام وقد ينير لنا الطريق.. كلام الناس بالشارع هو نقطة تحول وتغيير نتمنى من القيادات الاستماع له.. ماذا سمعنا؟
١- يتحدثون عن تقليص دعم الوقود بناء على نصيحة صندوق النقد وان يتقلص الدعم للنصف او صفر وينتهى بدلا من دعم الوقود الحالى وهو أمر غير مؤكد الخبر.. لكن هناك تخوفات.
لكن فى الحقيقة عدم الإسراع فى تقليص دعم الوقود او تقليص الدعم التدريجى يمكن ان يصبح مفيد فى جانب اخر ؛ فمثلا احنا نقدر نوفر جزء بسيط ولو مثلا ربع او تلت دعم الوقود على مدار العام المالى وليس فى اكتوبر فقط ونستفيد بتوفير من ٣٠٠ إلى ٥٠٠ مليار جنيه أخرى ح تقولى ازاى ؟
عدم الإسراع فى تقليص دعم الوقود ح يقلص من ارتفاع التضخم او يثبت التضخم عند المستوى الحالى او يقلله وبالتالى ستستمر وتيرة تخفيض اسعار الفائدة وبالتالى ح اقدر انزل الفائدة ٣او ٤% تانى لغاية يناير ٢٠٢٦ بخلاف جزء اخر حتى نهاية العام المالى وبالتالى ممكن اكون وفرت بتخفيض الفائدة حوالى نصف تريليون جنيه تقريبا فى خدمة الدين العام ويبقى انت وفرت ف جانب تانى مفيد ولم ترهق المواطن.. ووفرت مبلغ اكتر من المتوقع..
لو تخلينا جزئيا عن صندوق النقد ومشاوراته وفكرنا برؤيتنا ح نستفيد جامد.. احنا بنتكلم ل بلدنا.. وكمان الناس مش حامله ضغط تانى عن كدا.. وكمان سعر الدولار تراجع محليا والأسعار العالمية للبترول ثابته او متراجعه وهناك توقعات انخفاضها.. ف بالراحه شوية على المواطن.
٢- موظفى التعليم يتمنوا اعفاء كافة انواع المكافآت من ضريبة كسب العمل.. وخاصة المتعلقة بأعمال الامتحانات.
٣- الموظفين عموما امنيتها زيادة حد الاعفاء الضريبى ولاسيما لو وصل ٩٠ الف او ١٠٠ الف ج لان ضريبة كسب العمل عاملة احسن شغل فى المرتبات.
ح تقولى الإيرادات الضريبية ح تتأثر.. ح اقولك م زيادة الإنفاق ح تنشط الاستهلاك وتزداد إيرادات ضريبية من جوانب اخرى. خاصة ان العام المالى الحالى اول مرة من كام سنه تزيد المرتبات دون ان يصاحبها زيادة فى حد الاعفاء الضريبى.. وايضا عندك إيرادات استثمارية قادمة بخلاف تاجيل رد ودائع او تحويل ودائع إلى استثمارات.. يعنى فيه سيوله ح تساعدك شوية.. ماذا عن المعلمين ؟
٤- استخدام الذكاء الاصطناعي مفيد جدا لكن ما مدى توافر الإنترنت بالمدارس.. هل الإنترنت متوافر بكافة المدارس.. هل سيتم التطبيق على أجهزة حديثة ام على التابلت وهل كل الاجهزة حديثة ومناسبه ام هناك تحديثات قادمة ؟ لكن ف العموم هى خطوة مفيدة جدا جدا.
٥- سيادة الوزير / وزير التعليم انجز فى خطوات كثيرة ومهمه عن سابقيه.. خاصة فى مجال عجز المعلمين ودا تميز منه فى الحقيقة والواقع .. لكن كلام الناس بيقول.. طالما فيه عجز باداراتهم ليه يتعينوا خارج ادارتهم.. ليه م يصدرش قرار بكتاب دورى ينص على عودتهم لاداراتهم لرفع الحرج عن وكلاء الوزارة من المسؤولية امام المحافظين ؟ ليه م يصدرش فى قرار تعيين الدفعة التالته والرابعة ل ٣٠الف معلم نصا ينص على عملهم باداراتهم او عملهم فى اقرب إدارة فى حالة عدم وجود عجز باداراتهم.. الناس بتقول المرتب اللى بيقبضوه بيضيعوه مواصلات واكل برا البيت.. هل دا معقول؟ هل معقول معلم ياخد ساعة ونص او ساعتين مواصلات علشان يوصل مقر عمله والمدرسة اللى جنب بيته فيها عجز؟ الناس صح فى بعض كلامها والوزارة لازم ترفع الحرج عن وكلاء الوزارة بمختلف المديريات امام المحافظين وهذا كلام عام وليس بشأن مديرية محددة.
٦- معلمى الحصة اللى نجحوا فى اختبارات التنظيم والإدارة طالما هم مكملين معاك.. خاطب القيادات العليا عايزين نسرع شوية فى اجراءات التعاقد معاهم فى وظيفة معلم مساعد. عزيز مصر بيقول احنا م عندناش وقت.. ف ليه م نعملش مطالبه بإنجاز الأمر والإسراع فى اجراءات التعاقد معهم بالتعاون مع باقى الجهات والمؤسسات غير التعليمية.. لان جزء من الأمر الخاص بهم واختباراتهم عندها.. الشباب محتاج فرحة.. والوقت الحالى مطلوب دعم معنوى للشباب علشان نرفع الروح الداخلية للتفرغ فى التصدى للخارج ومؤامراته التى نتصدى لها يوميا..
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
