يا ترى ايه اللى حصل في سوق صرف العملات الأجنبية بعد الاعلان عن مشروع مراسي ريد الضخم؟ وليه الدولار سعره تراجع بشكل ملحوظ بعد الاعلان عن المشروع الجديد ؟ وايه عغلاقة اللى هيحصل في البحر الأحمر بسعر العملة الأمريكية؟
من ساعات . كلنا سمعنا عن خبر مهم جداً.. خبر إطلاق مشروع جديد ضخم اسمه "مراسي ريد".. والخبر ده كان ليه تأثير مباشر على سعر الدولار .. ناس كتير لاحظت إن الدولار سعره النهاردة نزل في معظم البنوك.
طب إيه هو مشروع "مراسي ريد" ده ؟
"مراسي ريد" مشروع استثماري ضخم جداً.. بيستهدف تطوير منطقة كبيرة.. وده معناه إن فيه استثمارات ضخمة جدا هتيجي على مصر.. والفلوس دي مش هتكون بالجنيه المصري.. هتكون بالدولار.
" title="ضربة قاضية للدولار.. مشرواع “مراسي ريد” ينهي أسطورة الورقة الخضرا" frameborder="0">
المشروع ده.. عشان يتبني.. محتاج فلوس كتير جداً.. وعشان الشركات الأجنبية أو المستثمرين الأجانب يشتغلوا.. لازم يحولوا فلوسهم من الدولار للجنيه المصري.. عشان يدفعوا مرتبات العمال.. ويشتروا مواد البناء من السوق المحلي.. لما يحصل ده.. كمية كبيرة جداً من الدولارات بتدخل السوق.. ولما المعروض من الدولار بيزيد.. سعره بينزل.. الموضوع ببساطة هو عرض وطلب.. لما فيه طلب كبير على الدولار ومفيش عرض كافي.. سعره بيغلى.. لكن لما يجي مشروع زي "مراسي ريد" ويضخ دولارات في السوق.. الميزان بيتعدل.
الخبر ده بعت إشارة قوية جداً للسوق كله.. إشارة بتقول إن فيه استثمارات أجنبية بتثق في الاقتصاد المصري.. وبتستثمر فيه مليارات الدولارات.. وده بيشجع مستثمرين تانيين إنهم يتبعوا نفس الخطوة.. وبيخلق حالة من التفاؤل بتأثر على سلوكيات التجار والمضاربين.
اللي بيحصل ده مش بس حرب اقتصادية.. دي حرب نفسية على مضاربي الدولار في السوق السوداء.. لما المضارب بيشوف إن فيه دولارات بتتدخل السوق بشكل طبيعي وقانوني.. بيعرف إن بضاعته (اللي هو الدولار اللي محتكرها) قيمتها هتقل.. فبيضطر إنه يبيعها عشان ميكسبش فيها أقل.. وبالتالي.. بيزيد المعروض من الدولار في السوق.. وبيقلل من سعره أكتر.
مشروع "مراسي ريد" يعتبر خطوة من خطوات كتير.. زي صفقة رأس الحكمة.. وزي زيادة صادراتنا اللي بتجيب دولارات.. كل الخطوات دي بتثبت إن الاقتصاد المصري بدأ يعتمد على مصادر دولارية حقيقية.. مش مجرد قروض أو مساعدات.
الأكيد ان مشروع "مراسي ريد" هو مثال واضح على ازاي الاستثمار الأجنبي المباشر ممكن يحل أزمة الدولار بشكل جذري.. لإن الحل مش في إننا نمنع الدولار.. الحل هو في إننا نوفر مصادر دولارية حقيقية تدخل البلد.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
