فيه آلاف المصانع في مصر متعثرة ومقفولة .. يا ترى الحكومة ممكن تعمل إيه عشان ترجع المصانع دي تشتغل من تاني؟ .. وهل البنوك هتكون شريك في الأزمة دي؟ وإيه أهمية تشغيل المصانع من جديد؟
فيه خبر مهم جداً عن مبادرة جديدة الحكومة المصرية هتعلن عن تفاصيلها قريب.. المبادرة دي هدفها إنقاذ الآلاف من المصانع المتعثرة في مصر.. دي خطوة مهمة جداً لإن المصانع دي لو اشتغلت.. هتكون قاطرة حقيقية للنمو الاقتصادي.. وهتزود الإنتاج والصادرات.. وهتوفر فرص عمل بالآلاف.
طب إيه الجديد في المبادرة دي؟
المبادرة دي مختلفة عن أي مبادرة فاتت.. الجديد هو إنها بتعتمد على شراكة بين الحكومة والبنوك.. فيه صندوق هيتأسس عشان يمول المصانع دي.. بس البنوك مش هتقدم قروض بس.. البنوك هتدخل بحصة ملكية في المصنع.. الحصة دي ممكن توصل لـ 25% من المصنع اللي هيتم تمويله.. وده بيضمن للبنوك إنها تكون شريك في النجاح.. مش بس مقرض.
المبادرة دي بتستهدف إنقاذ حوالي 6000 مصنع متعثر في مختلف القطاعات.. الأرقام دي قالها وزير الصناعة المصري.. حتى لو فيه تقديرات تانية بتقول إن العدد ممكن يوصل لـ 12 ألف مصنع.. لكن الحكومة مركزة دلوقتي على المصانع اللي مقدمة بالفعل طلبات عشان ترجع تشتغل تاني.. وعندها مشاكل في التمويل.
الهدف من ده كله واضح جداً وهو زيادة الإنتاج الصناعي لأن لما المصانع دي ترجع تشتغل.. هتزود الإنتاج.. وهتوفر منتجات كنا بنستوردها.. وده هيوفر علينا دولارات.. المصانع المتعثرة دي كان فيها آلاف العمال.. رجوعها للعمل هيوفر فرص عمل جديدة.. وهيقلل من البطالة.. ولما لما الإنتاج يزيد.. نقدر نصدر أكتر.. وده هيجيب عملة صعبة للبلد.. وهيدعم الاقتصاد بشكل كبير.
وفكرة إن البنوك تدخل بحصة في المصانع المتعثرة فكرة عبقرية.. لإنها بتضمن للبنوك إنها هتسترد فلوسها.. وهتكسب لما المصنع يرجع يكسب.. ولما المصنع يرجع يحقق أرباح.. صاحب المصنع هيكون عنده الفرصة إنه يرجع يشتري حصة البنوك دي من تاني.. وده بيضمن إن كل الأطراف كسبانة.
الخطوة دي بتعكس توجه جديد من الحكومة.. توجه بيعتمد على الشراكة مع القطاع الخاص.. ومش بس تقديم قروض تقليدية.. وده بيحفز القطاع الصناعي كله.. وبيبعت إشارة قوية للمستثمرين إن فيه دعم حقيقي للصناعة في مصر.
المبادرة دي خطوة مهمة جداً على طريق التعافي الاقتصادي.. لإنها بتستهدف حل مشكلة كانت معطلة عجلة الإنتاج في مصر.. وبتحاول ترجع آلاف المصانع للحياة من تاني.. وده هيفرق كتير في مستقبل بلدنا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
