الصادرات الزراعية واحدة من أهم الحاجات اللي الحكومة شغالة عليه في خطة زيادات الصادرات المصرية وتحقيق 140 مليار دولار كايرادات منها في 2030.. يا ترى ايه الصادرات الزراعية اللي مصر مركزة عليها .. وهل مصر هيجي عليها يوم وتؤكل العالم كله.
النهاردة مصر بتحتفل بذكري مهمة جدا وهيا العيد الـ73 للفلاح المصري، واللي هو اصل الحكاية واصل الحضارة المصرية واللي علي أكتافه قامت واحدة من أعظم الحضارات في التاريخ وهيا الحضارة الفرعونية القديمة، واللي قائم بشكل شبه كامل علي الزراعة ونجاح المصري القديم في معرفة فنون الري ومواسم الحصاد.
الحضارة المصرية القديمة اللي بناها الفلاح المصري وطورتها كل الأجيال علي مر العصور، لحد وقتنا الحالي واللي الحكومة جه عليها الدور في تحويل قطاع الزراعة لواحد من أهم مصادر الدخل الدولاري،. هنا الحكومة خطت بنود استراتيجية تحويل مصر لمركز إقليمي للتبادل التجاري واللي فيها جزء مهم جدا قائم علي زيادة الصادرات الزراعية.
أهداف الحكومة المصرية من زيادة الصادرات الزراعية قائم علي الطلب العالمي اللي موجودة علي الخضروات والفاكهة المصرية، واللي مفيش منافسة بينها وبين اي منتج تاني وكل الناس حوالين العالم عندهم ثقة في المنتج الزراعي المصري.
الإقبال الكبير من الدول علي شراء وفتح الأسواق قدام الصادرات الزراعية المصرية خلي الدولة ترفع سقف طموحاتها ويكون عندنا حلم تحقيق 19 مليار دولار من الصادرات الزراعية في 2030.
طيب إزاي مصر هتوصل بالصادرات الزراعية لتحقيق 19 مليار دولار في 2030؟.
في 2024، مصر نجحت في أنها تحقق رقم قياسي في الصادرات الزراعية وسجلنا 8.6 مليون طن بزيادة 11% عن الرقم اللي حققته الدولة في 2023، وطبعا الموالح كانت علي رأس قائمة الصادرات المصرية بـ 2.39 مليون طن، والبطاطس في المرتبة التانية بـ 977 ألف طن، وفي 2025 الدولة بتستهدف زيادة قيمة الصادرات الزراعية لـ 9.2 مليار دولار، هيكون منهم 4.2 مليار دولار من صادرات الخضروات والفاكهة الطازجة، والباقي من الصناعات الغذائية المصنعة أو المجمدة .
علشان مصر توصل لحلمها، الحكومة اخذت خطوات كتيرة جدا علشان تزود صادراتها الزراعية، وطوّرت منظومة الحجر الزراعي عن طريق التتبع والتكويد، وعالجنا عدد كبير من الأمراض الزراعية زي العفن البني اللي كان بيهدد محصول مهم زي البطاطس، وده ساهم في جودة المحاصيل الزراعيه وجودتها الخارجية، وده اللي خلي أكثر من 93 سوق خارجي تفتح أبوابها قدام الصادرات الزراعية المصرية.
جزء كبير من خطو لزيادة الصادرات الزراعية تضمنت كمان التوسع في الصادرات في أسواق قارة آسيا، وقدرنا نوصل لاسواق جديدة، وده اللي رفع إجمالي الصادرات المصرية للقارة لأكثر من 395 مليون دولار بنهاية يوليو، وكمان فتحنا 24 سوق تصدير جديدة لدول جنوب شرق آسيا وأمريكا اللاتينية.
الزيادة الكبيرة اللي حصلت في الإنتاج الزراعي كان وراها شغل كتير جدا اتعمل في زيادة الرقعة الزراعية واللي ارتفعت من 800 ألف فدان في 2024 الي 1.6 مليون فدان في 2025 ومستهدف وصولهم 4.5 مليون فدان في 2027، والزيادات هتساعد مصر في زيادة إنتاج منتجات استراتيجية زي القمح والبطاطس والبصل وهتقلل الواردات.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
